"Abe" (Contén)

PERSOEIRO

Nobre mourisco granadino. Participou activamente na insurrección dos mouriscos de Granada (1568). Proclamouse Rei dos andaluces (1569) despois de derrocar o seu curmán Aben Humeya. Algúns dos seus homes, que se venderan aos cristiáns, asasinárono logo de máis dun ano de rebelión. O seu cadáver foi esnaquizado e a súa cabeza expúxose publicamente en Granada dentro dunha gaiola de ferro. O seu nome cristián era Diego López.

PERSOEIRO

Nobre mourisco granadino. No ano 1568, logo de abdicar do Cristianismo, uniuse á rebelión dos mouriscos das Alpujarras, que o elixiron rei polos seus antecedentes omeias. Foi asasinado polo seu curmán Aben Aboo, quen se apropiou do seu título de Rei dos andaluces. O seu nome cristián era Fernando de Córdoba e Válor.

DEPARTAMENTOS

Departamento de Costa de Marfil (6.900 km2 ; 216.385 h [1988]) no L do país. A capital é Abengourou (30.028 h [1988]). Plantacións de cacao e café.

ESPA¥A

Concello da provincia de Ciudad Real, en Castela-A Mancha, ao NO da capital provincial (1.834h [1996]). A súa actividade económica baséase no cultivo e transformación de cereais, oliveira e vide.

PERSOEIRO

Poeta. Estudiou Medicina na Universidade de Santiago de Compostela e pouco despois emigrou a Paraguai. Publicou poesía en xornais de Galicia e América. Coñécense as súas poesías en galego Virxen da Guía e Lembranzas, recollidas por Uxío Carré Aldao na antoloxía que acompaña á súa Literatura Gallega (1911), e o poemario Volta prá terra. En castelán publicou a lenda en verso La novia de un marino (1882) e o poemario Poemas satíricos y gozosos (1887), editado en Paraguai.

CAPITAIS

Capital do estado de Ogun, en Nixeria, na beira do río Ogun (427.400 h [1996]). Centro comercial e mercado local de cacao, aceite de palma e algodón.