"Ain" (Contén)

PERSOEIRO

Xeneral, sexto duque de Pópoli e príncipe de Pettorano. Era neto de Andrea Cantelmo e irmán do cardeal Giacomo Cantelmo (1640-1702), arcebispo de Nápoles. Loitou en Mesina durante a insurrección de 1674 e en Flandres. Cando estalou a Guerra de Sucesión (1702), recoñeceu a Filipe V de Castela. Foi xeneral en xefe das forzas filipistas que asediaron Barcelona en 1713 e ordenou o bombardeo a grande escala da cidade (do 22 de maio ao 6 de xullo de 1713). Instalouse en Madrid, onde exerceu cargos na corte.

PERSOEIRO

Físico e astrónomo francés. Coñecido como Guillaume, investigou a disposición do espello dos telescopios que levan o seu nome. Crese que foi profesor no Collège de Chartres. O seu nome aparece a raíz dunha memoria sobre megáfonos de 1672; na carta de presentación, Henri de Bercé explica que Cassegrain ideara o telescopio reflector. Un século máis tarde, Ramsden evidenciou a utilidade do telescopio de Cassegrain, especialmente en canto á eliminación das aberracións esféricas.

PERSOEIRO

Realizador cinematográfico francés. Comezou a súa andaina rodando filmes cun rigor clásico e logo levou a cabo realizacións experimentais. Entre outras películas, dirixiu: Le combat dans l’île (O combate na illa, 1962), La chamade (A chamada, 1968), Martin et Leà (1977) e Thérèse (1986).

RIOS

Río afluente do Umia pola esquerda. Nace da confluencia de tres regos, o Valiñas, o das Lamas e o Varosa, no límite entre as parroquias de Barro, Valiñas (concello de Barro) e Briallos (concello de Portas). O seu curso aproveita o fondo da Depresión Meridiana e adopta unha dirección S-N, coa que drena esta última parroquia e penetra no concello de Caldas de Reis pola parroquia de Arcos da Condesa. Ao chegar á parroquia de Santa María de Caldas de Reis vira cara ao NO, de xeito que ata a súa desembocadura marca a fronteira entre esta parroquia e a de Portas, do concello homónimo. O seu percorrido total, incluíndo as súas fontes, abrangue uns 16 km.

PARROQUIA

Parroquia do concello de Gondomar baixo a advocación de santa María.

PERSOEIRO

Militar. Emigrado a Arxentina, ingresou no exército e participou como capitán das milicias de Río Negro na guerra con Portugal (1801) e na liberación de Bos Aires, ocupada polos ingleses en 1806. En 1814, como comandante militar da praza de Paysandú (Uruguay), axudou os exércitos españois que estaban asediados en Montevideo polos independentistas. Unha vez finalizado o proceso independentista, trasladouse a España.

PERSOEIRO

Bioquímico alemán. Emigrado a Inglaterra nos comezos do nazismo (1933), traballou con H. Florey en Oxford no estudo das substancias antibacterianas de orixe orgánica. Publicou Penicillin as a Chemostherapeutic Agent (A penicilina como un axente químico-terapéutico, 1940), que foi o punto de partida da utilización terapéutica da penicilina. Recibiu, xunto con A. Fleming e H. Florey, o Premio Nobel de Medicina e Fisioloxía en 1945.

1. Persoa de carácter pouco enérxico.

2. 1. Deportista sen calidade.

   2. Persoa que realiza o seu traballo sen arte nin calidade.

PERSOEIRO

Político británico. Membro do partido conservador, foi ministro de Facenda (1923-1924 e 1931-1937) e de Sanidade (1923, 1924-1929 e 1931). En 1937 foi elixido primeiro ministro. O seu principal obxectivo foi manter a paz en Europa e para tal fin asinou o acordo de Múnic en setembro de 1938; sen embargo, a ocupación de Checoslovaquia polos alemáns significou o fracaso da súa política. Invadida Polonia (1939), declaroulle a guerra ao Eixe. En maio de 1940 foi substituído por Winston Churchill.

FILOSOFOS

Filósofo e escritor inglés. Foi un dos teóricos do nacionalsocialismo. En 1885 trasladouse desde Inglaterra para estudar en Dresden e posteriormente se estableceu en Viena. Na súa obra principal Die Grundlagen des neunzehten Jahrhunderts (Os fundamentos do s XIX, 1899), fai unha interpretación da superioridade da raza aria. Durante a Primeira Guerra Mundial posicionouse como panxermanista e partidario da anexión a Alemaña de todos os pobos de orixe xermana. É autor de dúas monografías sobre Richard Wagner, compositor no que se inspirou para desenvolver unha filosofía de carácter nacionalista.

PERSOEIRO

Escultor. Estudiou no Black Mountain Collage. Influído polas propostas obxectuais dadaístas e pola figura de David Smith, desde finais dos anos cincuenta empregou como material básico restos de automóbiles desfeitos e ensamblados na procura dunha figuración dramática próxima ao informalismo (Assemblages). Afastado de preocupacións sociais, a súa proposta é máis pictórica ca ideolóxica, próxima ao esteticismo do Pop Art.

PERSOEIRO

Político. Foi alcalde de Birmingham en 1873 e, como membro do Partido Liberal, exerceu o cargo de ministro de Comercio (1880-1885). En 1895 foi nomeado ministro de Colonias; dende o seu cargo apoiou a Guerra dos Bóers (1899-1902). En 1900 outorgou o estatuto de dominio a Australia e a Nova Zelanda. Contrario ao libre cambio, presentou un proxecto que propugnaba a implantación dun sistema comercial proteccionista entre os membros do Imperio Británico, pero non foi aceptado. Retirouse da política en 1906 ao ser derrotado o Partido Liberal Unionista.

PERSOEIRO

Político inglés, fillo de Joseph Chamberlain. Foi elixido deputado liberal unionista en 1892. Durante o ministerio de Balfour exerceu como ministro de Finanzas (1903-1906). Foi secretario para a India dende 1915 ata 1918, ano no que regresou ao ministerio de Finanzas. Secundou a política proteccionista do seu pai e estableceu unha rigorosa política fiscal que foi moi criticada. Ministro de Asuntos Exteriores (1924-1929), promoveu o Pacto de Locarno (1925) e prestou o seu apoio ao de Briand-Kellogg (1928) e á Sociedade de Nacións. En 1925 recibiu, xunto con Charles Drawes, o Premio Nobel da Paz.

PERSOEIRO

Físico norteamericano. Entre 1942 e 1946 participou no proxecto Manhattan, co que se logrou confeccionar a bomba nuclear. No bevatrón de Berkeley demostrou, xunto con E. Segrè, a existencia do antiprotón en 1955. Ambos os dous recibiron o Premio Nobel de Física en 1959.

LAGOS

Lago da cordilleira dos Apalaches, entre os estados de Vermont, Nova York (EE UU) e a provincia de Québec, no Canadá (1.500 km2). Foi descuberto en 1609 polo explorador francés Samuel de Champlain.

PERSOEIRO

Explorador e colonizador francés. Na primeira expedición a Nova Francia (1603) explorou o río San Lourenzo ata a actual Montreal; na segunda, en 1604, explorou a costa atlántica ata Cape Cod. Intentou establecer unha colonia (Port Royal) en Nova Escocia. En 1608 volveu a Canadá e fundou a colonia de Québec. No curso dunha expedición contra os iroqueses descubriu o lago que leva o seu nome. Estableceu unha factoría na actual Montreal e foi nomeado lugartenente do príncipe de Condé en Nova Francia. No ano 1629 capturárono e tivo que render Québec aos ingleses.

PERSOEIRO

Lingüista francés. Especializouse no estudo comparativo do grego antigo e publicou, entre outras obras, La formation des noms en grec (A formación dos nomes en grego, 1932), Grammaire homérique (Gramática homérica, 1942 e 1953) e Ditionnaire étymologique de la langue grecque (Dicionario etimolóxico da lingua grega), que se comezou a publicar en 1967.