"Conde" (Contén)

GALICIA

Sacerdote e erudito. Doutorado en Sagrada Teoloxía pola Universidade Gregoriana de Roma, foi profesor de arqueoloxía e paleografía latina no seminario de Lugo. Colaborou en numerosos xornais e revistas especializadas, como o Boletín da Comisión de Monumentos de Lugo, e entre as súas obras destacan, Las funciones benéfico docentes del Seminario de Lugo (1916). Foi membro da xunta do Museo Provincial de Lugo e da Real Academia Galega.

PERSOEIRO

Trobador portugués, de orixe aristocrática. Tío do trobador Rodrigu’Eanes de Vasconcelos e cuñado de Johan Soarez Coelho, hai quen o identifica con Gil Perez Feijó. Algúns investigadores pensan que en 1248 tivo que fuxir a Castela, despois do conflito pola sucesión ao trono portugués entre Sancho II e Afonso III o Boloñes; desde 1269 é vasalo de Afonso X e en 1286 infanzón na corte do seu sucesor, Sancho IV. Na corte castelá relacionouse con Gomez Garcia, Johan Vasquiz de Talaveira e Rodrigu’Eanes Redondo no momento da expedición de Sancho IV a Baiona co gallo de se entrevistar con Filipe IV o Fermoso. As súas cantigas aparecen recollidas na última parte do Cancioneiro da Biblioteca Nacional de Lisboa (1515-1532); son 16 cantigas de satíricas (6 escarnios persoais, 4 políticos, 2 literarios, 2 de amor, 2 sociais), unha cantiga moral e unha cantiga de amor.

PERSOEIRO

Poeta. De nome Isidore Ducasse, recibiu influencias de Sade, Poe e doutros autores da mesma tendencia. A súa obra, agresiva e dunha gran carga onírica, tivo unha grande influencia nas vangardas do s XX, especialmente no surrealismo e no dadaísmo. Escribiu Les chants de Maldoror (1869), poema en prosa de seis cantos, e preparou un segundo libro, Poesías (1870).

PERSOEIRO

Actor de teatro e dobraxe, director e cantautor. Destaca o seu traballo na compañía Fulano, Mengano e Citano. Gravou o disco Bule, berra, chora (1978).

PERSOEIRO

Político francés. De nome Jean-Baptiste-Sylvère Gay, foi deputado (1821) e ministro do Interior (1828). Formou parte como comisario civil na intervención en España dos Cen Mil Fillos de San Luís (1823).

GALICIA

Cantante. Coñecida como Pilocha, gravou varios discos individuais, entre os que destaca Calamidad sentimental (1997), un disco como cantante do Grupo de Cámara Universitario (1979) e colaboracións con Uxía e Milladoiro.

GALICIA

Poeta. Doutor en Filosofía, cultivou a poesía en galego e castelán dentro de distintas tendencias poéticas. Preocupado polas cuestións filosóficas, concibe a súa obra como unha forma de coñecer aquilo que non se pode ver a través dun método indutivo e reflicte nela elementos propios da natureza e da paisaxe. Das súas obras destacan Lento esvaece o tempo (1990), Orballo nas camelias (1993), O silencio das árbores (1995) e Compostela, vella memoria (2004).

PERSOEIRO

Director de orquestra. Formouse con músicos como Swarowsky, Theurfing, Maderna ou Ferrara. Dirixiu o Teatro Municipal da Ópera de Maguncia (1977), a Orquestra Ciutat de Barcelona (1978-1981), o Orfeó Catalá (1983-1985), a Orquestra Sinfónica de Baden-Württemberg, a Orquestra Sinfónica de Düsseldorf e a Orquestra de Cámara de Israel.

PERSOEIRO

Relixioso agostiño. Foi bispo auxiliar do arcebispo Miguel Payá i Rico en Toledo (1887-1894), bispo de Tui (1894-1914) e arcebispo de València (1914-1916). Destacou pola súa aberta oposición ao carlismo. Escribiu Otra historia (1899) e A los asociados de El despertar del Tea en Buenos Aires (1910).

PERSOEIRO

Político e publicista francés. De nome Charles Forbes René, defendeu a causa dos irlandeses e dos polacos e a liberdade da Igrexa na publicación L’Avenir (1830), que el mesmo fundou. Representante dos liberais, tras o seu fracaso nas eleccións de 1857 dedicouse á oposición. Publicou Les Moines d’Occident depuis saint Benoît jusqu’à saint Bernard (1860-1867).

PERSOEIRO

Estadista, IV conde de Morton. De nome James Douglas, foi chanceler, e estivo implicado no asasinato de Rizzio e obrigou a María I de Escocia a abdicar no seu fillo Xaime VI de Escocia. Acusárono de complicidade no asasinato de Enrique Stuart polo que foi xulgado e axustizado.

GALICIA

Escultor. Discípulo de F. Asorey, a súa produción abrangue desde cruceiros e escudos a bustos, relevos e monumentos. Destaca o cruceiro dedicado ao Rei Xoán Carlos I para o palacio de la Zarzuela (1972), o monumento das Palilleiras de Camariñas (1985) e o do Emigrante, en Sada.