"EPA" (Contén)

PERSOEIRO

Actor e realizador canadense. Formado no Conservatorio de Arte Dramática de Québec, participou na Liga Nacional de Improvisación e realizou os primeiros traballos no Théâtre Repère, entre os que destacan Agardando (1982), Coriolano (1983) e Vinci (1985). Tamén destacan A triloxía do dragón, Polygraph (1987), Tectonic plates (1990) e Staidom (2000). En 1994 creou a súa compañía propia, Ex Machina, coa que realizou espectáculos como Os sete brazos do río Ota (1995) e As xeometrías dos milagres (1998).

CIDADES

Cidade de Letonia (89.439 h [2000]). É un porto de mar no Mar Báltico e posúe industria metalúrxica, de maquinaria agrícola e de materiais de construción.

PERSOEIRO

Almirante ruso. Distinguiuse na guerra contra os turcos (1877-1878) e foi cabeza da armada do Pacífico durante a Guerra Ruso-xaponesa, en que morreu. Inventou o primeiro crebaxeos, o Iermak.

PERSOEIRO

Atamán dos cosacos de Ucraína. Estivo do lado do tsar Pedro I de Rusia   no comezo da Guerra Nórdica (1700-1721), pero coa intención de asegurar a independencia de Ucraína, asinou un acordo con Carlos XII de Suecia. Vencérono xunto cos suecos en Poltava (1709).

PERSOEIRO

Político. Coñecido como Stipe Mesic, en 1990 codirixiu a Hrvatska Demokratska Zajednica (Unión Democrática Croata, HDZ), foi nomeado presidente de Iugoslavia e, posteriormente, primeiro presidente do goberno de Croacia (1991). En 1994 ingresou no Hrvatska Narodna Stranka (Partido Popular Croata, HNS), co que resultou elixido presidente da república en 2000.

PERSOEIRO

Poeta e místico. A súa biografía, escrita polo seu discípulo Rechung, constitúe unha obra interesante por estar considerada un relato fiel dos feitos e por tratar elementos característicos do folclore e a mitoloxía tibetanas.

CIDADES

Cidade do nomós de Etolia-Acarnania, Grecia, situada na costa setentrional do estreito que separa o golfo de Patras do de Corinto (8.200 h [estim 1980]). Antiga cidade da Locrida Ozolia, despois da Batalla de Egospótamos pasou a Lócrida (404 a C), aos etolios (338 a C) e, finalmente, aos romanos (191 a C). En época bizantina coñeceuse co nome de Épaklos. En 1407 pasou a poder dos venecianos, que a fortificaron, e os turcos apoderáronse dela en 1499. Nela librouse a batalla entre os otománs e a Liga Santa (Batalla de Lepanto).

ENTRADA LARGA

Estado de Asia meridional, situado no Himalaia, limita ao N con China, e ao L, ao S e ao O con India (147.181 km2; 23.077.791 h [2001]. A súa capital é Katmandú.
Xeografía
Nepal é un país esencialmente montañoso. O N comprende a parte máis elevada do Himalaia, co Everest (8.848 m), o   Kānchenjunga (8.598 m), Dhawlāgiri (8.172 m), e o Annapurna (8.078 m), mentres que ao S aparecen as formacións do Himalaia exterior, que acadan altitudes menos elevadas (3.000 m), e que descenden gradualmente cara ao extremo S do país, onde dan lugar a unha estreita franxa chá, calorosa, húmida e cuberta de bosque. O clima é monzónico, pero o Himalaia exterior evita a penetración cara ao N, onde o clima é máis seco e rigoroso; polo contrario, ao S, o clima é máis suave e con chuvias abundantes. A vexetación está formada por bosque tropical ao S, e bosque caducifolio, de coníferas e de prados permanentes cara ao N. As actividades económicas...

1. Relativo ou pertencente a Nepal ou aos seus habitantes.

2. Natural ou habitante de Nepal.

3. Lingua indoirania do phylum indoeuropeo que se fala en Nepal.

4. Arte desenvolvida en Nepal. Ten unha tradición chinesa, india e tibetana. De tellados curvilíneos ou ben de ángulos secos, emprega a madeira e o ladrillo e con frecuencia as paredes aparecen recubertas de bronce cicelado. No comezo do s X desenvolveuse unha importante escola de pintura de manuscritos sobre palma. Destacan o templo de Pashupati e a estatua do deus Bhaivai en Katmandú.

PERSOEIRO

Rei de Ugarit (1325?-1265 a C), fillo de Niqmaddu II. Foi entronizado por Muršiliš II no lugar do seu irmán Ar-Halba (1335?-1325 a C), que formara parte dunha revolta antihitita dos príncipes sirios. Durante o reinado de Muwatalliš (1315?-1285 a C), axudou a este contra Ramsés II na Batalla de Kadeš (1300 a C).

TERRITORIOS

Territorio semidesértico do Precáucaso, situado principalmente na República de Daguestán, entre os ríos Terek e Kuma. Cunha extensión de 25.000 km, acada altitudes de 170 m no O, mentres que no L son de 28 m.