"SS" (Contén)

PERSOEIRO

Pedagogo. Estudiou Filosofía e Letras na Universidade de Madrid (1871-1874) e na Escola Superior de Diplomática (1876-1877 e 1880-1881). Foi director do Museo Pedagógico Nacional (1883-1929), o primeiro catedrático de Pedagoxía en España (1904), conselleiro de Instrución Pública (1921) e presidente do padroado de Misiones Pedagógicas (1931). Foi o principal discípulo de Francisco Giner de los Ríos, fundador da ILE (Institución Libre de Enseñanza), e o principal defensor dos plans que Giner trazara para a reforma da educación e da sociedade española, participando, por exemplo, na Fundación Sierra-Pambley ou na Escuela-Asilo Sotés. Tivo unha forte vinculación coa sociedade e cultura galega a través da súa esposa Carmen López-Cortón Viqueira. A partir de 1890, e acompañado frecuentemente por Francisco Giner e outros profesores institucionistas, pasou os veráns na casa grande de San Vitorio en Vixoi (Bergondo), e influíu nas primeiras experiencias de colonias de vacacións escolares en Galicia,...

PERSOEIRO

Antropólogo cultural norteamericano. Profesor na Universidade de Berkeley, California, especializouse no folclore africano. Entre as súas obras cómpre mencionar African Arts (Artes africanas, 1967).

PERSOEIRO

Navegante e explorador inglés. Percorreu as costas de Australia e de Tasmania, e descubriu o estreito que leva o seu nome.

PERSOEIRO

Pintor e miniaturista. Foi o introdutor das novas formas italo-góticas en Catalunya. No 1324 foille encargada a decoración mural de dúas capelas da igrexa antiga de Sitges. Desde o ano 1333 recibiu sucesivamente encargos de Afonso III e de Pedro III. A única pintura sobre táboa conservada é un fragmento de retablo con escenas da vida de san Bernardo (Museo de Vic). A súa obra máis significativa é a decoración mural da Capela de San Miguel, no claustro do Mosteiro de Pedralbes de Barcelona (1345-1346).

PERSOEIRO

Narrador e poeta posneorrealista italiano de orixe xudea. Colaborou en Letteratura, Botteghe Oscure e Paragone, e publicou ensaios literarios e poesía. A súa obra narrativa, chea de amargura, describe as vicisitudes duns personaxes provincianos nun mundo brutalmente trastornado. Il giardino dei Finzi-Contine (O xardín dos Finzi-Contine, 1962) é a máis coñecida. Escribiu tamén Dietro la porta (Detrás da porta, 1964), L’airone (A garza, 1968), etc. No volume Il romanzo di Ferrara (A obra de Ferrara, 1980) reuniu e refixo toda a súa obra narrativa.

PERSOEIRO

Compositor, violinista e organista italiano. Foi príncipe da Accademia dei Filarmonici, de Boloña (1863), e mestre de capela en Módena, Ferrara e Bérgamo. Impulsou a técnica violinística e o desenvolvemento da sonata. A súa obra instrumental sitúase entre os anos 1677 e 1700, e compuxo arredor de cen cantatas.

PERSOEIRO

Pintor, o membro máis destacado da familia Bassano. Autor de pintura relixiosa e de retratos, atravesou unha etapa manierista na que estableceu relacións co Greco. Estivo influído pola pintura flamenga, pero tamén por Tiziano, Tintoretto e o Veronés. De temática relixiosa, a súa pintura incide na acción e nos aspectos cotiáns, constituíndo un fito na evolución do realismo pitórico. Centra a súa atención máis que no tema da obra, nos compoñentes da acción. Tecnicamente supera o falso dilema entre o luminismo de Tintoretto e o cromatismo do Veronés.

PERSOEIRO

Poeta persa en lingua árabe. Do seu diwan consérvanse uns seis mil versos. Inventou novas combinacións estróficas.

1. Relativo ou pertencente aos bassaris ou á súa lingua.

2. Individuo do pobo bassari.

3. Pobo que habita no NL de Togo, fundamentalmente, e tamén no NO de Guinea e no S do Senegal. Os bassaris, aproximadamente uns 50.000 individuos, practican a agricultura de sabana de xeito tradicional. Falan unha lingua do grupo atlántico.

4. Lingua africana que pertence á familia níxer-congo central setentrional e ao grupo moré-gurma. Sitúase á beira doutros idiomas como o dagbaní, o gurma e o moré. Hai falantes en Ghana e en Togo.

PERSOEIRO

Presidente da axencia de publicidade Bassat, Ogilvy & Mather en España. Licenciado en Ciencias Económicas, creou a súa primeira axencia de publicidade aos 25 anos. Entrou en contacto co prestixioso publicitario David Ogilvy en 1975, e dende entón é o seu socio en España na compañía que preside. Entre os seus clientes máis destacados están a empresa Danone, a Generalitat de Catalunya, a empresa de automóbiles Ford e Frigo. Algunhas das súas campañas máis famosas son a promoción das Olimpíadas de Barcelona e a Exposición Universal de Sevilla. No seu currículo conta con máis de 100 premios de publicidade de todo o mundo.

CAPITAIS

Capital do territorio francés de Guadalupe e as súas dependencias, no arquipélago das Pequenas Antillas (14.003 h [1990]).

CAPITAIS

Capital do estado de Irrawaddy, Myanmar, á beira do río Bassein (144.096 h [1983].