"RC" (Contén)

GALICIA

Naturalista e micólogo. Iniciouse na entomoloxía. O comezo da Guerra Civil supuxo un freo na súa traxectoria. En 1950, da man de Fermín Bescansa, centrou as súas observacións na botánica e na micoloxía. Logo dunha vida como investigador autodidacta, comezou en 1965 a carreira de Bioloxía. Entre 1977 e 1982 investigou e impartiu clases nos departamentos de Botánica das facultades de Bioloxía e Farmacia da Universidade de Santiago de Compostela. Foi presidente da Sociedade Galega de Historia Natural (1980-1986). Dedicouse á investigación e á divulgación dos fungos e plantas de Galicia. Destacan os artigos científicos “Nueva especie del género Amanita: A. porrinensis” (1987) e “Gyroporus ammophilus, a new poisonous bolete from the Iberian Peninsula” (Gyroporus ammophilus, unha nova especie de fungo velenoso da Península Ibérica, 1995). Publicou numerosas guías de campo como a Guía das árbores de Galicia (1989) e a Guía das setas ou cogumelos...

GALICIA

Xornalista. Da súa produción destaca El enigma del camino de Santiago (1977), El enigma de Colón (1980), Leyendas gallegas (1980), Tesoros templarios, secretos masones (1981) e Con Ferrandis hemos topado (1991).

PUNTA

Punta do litoral da parroquia e concello de Vilanova de Arousa, na beira meridional da ría de Arousa.

MUNICIPIOS

Municipio da Comunidad Autónoma de Murcia, situado ao pé da serra de Carrascoy (9.046 h [1996]). A economía é agrícola (hortalizas, algodón, cereais e oliveiras) e gandeira, con industrias derivadas da alimentación e do metal. Do seu patrimonio cultural destacan o xacemento argárico de Carrascoy, os restos dunha calzada romana e a ermida da Purísima Concepción.

PERSOEIRO

Xeneral e político romano. Foi pretor (193 a C) e procónsul na Hispania Ulterior (190 a C), onde venceu os celtiberos e capturou o seu xefe Hermo, preto de Toletum. Cónsul no 189 a C, conquistou Etolia e máis tarde foi censor xunto a E. Lépido (179 a C).

PERSOEIRO

Bioquímico. En 1998 recibiu, xunto con L. J. Ignarro e F. Murad, o Premio Nobel de Medicina e Fisioloxía polos seus descubrimentos sobre o papel do óxido nítrico como molécula de sinalización no sistema cardiovascular.

PARROQUIA

Parroquia do concello de Becerreá baixo a advocación de san Xoán.

PARROQUIA

Parroquia do concello de Carballedo baixo a advocación de san Gregorio.

GALICIA

Pedagogo. A súa investigación está centrada en historia da educación, sobre a que ten publicado A orientación agropecuaria da escola primaria en Galicia (1980), Escolarización y sociedad en Galicia, 1875-1900 (1987), Agricultura e escola. Contra a rutina e o éxodo rural (1989), Leer, escribir y contar. Escolarización popular y sociedad en Galicia (1875-1900) (1990), Escolantes e escolas de ferrado (2001, Premio á Investigación Pedagóxica María Barbeito, 2001; Premio Anual á Investigación Antón Losada Diéguez, 2002 e Premio da Crítica Galicia á Investigación, 2002) e Arximiro Rico, luz dos humildes (2001), este último en colaboración con Xosé Manuel Sarille, así como diversos artigos en revistas especializadas e colaboracións en libros colectivos. É membro do comité de redacción de Sarmiento. Anuario Galego de Historia da Educación, do consello de redacción de Historia de la Educación. Revista Interuniversitaria (Salamanca), do consello editorial da Revista Galega de Educación e vogal da...

SEMANARIOS

Semanario de tendencia republicana editado na Coruña a partir de 1905. Cesou a súa edición ao redor de 1913. Tiña unha tiraxe de 800 exemplares e difundía información económica e comercial.

GALICIA

Pintor. As súas obras caracterízanse pola gama cromática cálida e intensa, polos grandes planos de cor e pola gran luminosidade. Realizou exposicións individuais e participou, entre outras colectivas, no Salon de l’Art Libre no Palais de Beuax-Arts (París, 1966) e no VII Certame de Pintura Concello de Cambre (1990). Recibiu, entre outros galardóns, a segunda medalla no Certame de Pintura Bello Piñeiro (Ferrol, 1961) e o terceiro premio de debuxo (1988) do Certamen de Pintura Profesor Camilo Fernández.

PUBLICACIÓNS

Publicación editada en Vigo a partir do 1 de febreiro de 1895. Subtitulouse “Revista semanal consagrada al estudo y defensa de la agricultura, la industria y el comercio en Galicia”. Dirixiuna Adolfo Lahorra. Tirou do prelo cando menos 12 números. Incluíu información de carácter técnico e económico sobre agricultura, gandería, comercio e industria en Galicia. Atendeu tamén a congresos do sector e inseriu notas bibliográficas.

PUBLICACIÓNS

Publicación editada na Coruña dende abril de 1926. Cesou a súa edición en xuño de 1936 (nº 123). Subtitulouse “Revista mensual ilustrada”. Fundada por Ernesto Cádiz Vargas, ao longo dos anos sucedéronse como directores, Ramón del Cueto, Leopoldo Hernández e Joaquín Martín. Interesada na modernización e no progreso económico de Galicia, incluíu información específica relacionada coa agricultura, a industria, o comercio e a actualidade.