"ILE" (Contén)

1. Relativo ou pertencente aos cilenos.

2. Individuo do pobo dos cilenos.

3. Pobo indíxena (populus) da Gallaecia, do convento xurídico lucense onde -segundo Plinio- se situaron despois dos presamarcos no límite xa co convento bracaraugustano. Localizado na rexión da costa que vai do Ulla ao Lerez, tivo como cidade principal Aquae Calidae ou Aquae Celenae (a actual Caldas de Reis). Na epigrafía documéntanse varias inscricións nas que aparecen individuos deste pobo.

PERSOEIRO

Enxeñeiro e físico. En 1820 marchou a Rusia, onde foi profesor de matemáticas na Escola de Vías e Comunicacións de San Petersburgo. En 1830 volveu a Francia, onde se dedicou á construción de diversas redes de ferrocarrís, locomotoras e pontes metálicas. Deu forma alxébrica ao principio de Carnot e foi un dos pioneiros da termodinámica. En 1858 ingresou na Académie des Sciences.

PERSOEIRO

Pintor belga. Formouse na Academia de Anveres e en 1888 instalouse en París. Influído por Monet, cultivou o impresionismo e máis tarde orientouse cara a un certo divisionismo.

PERSOEIRO

Político francés. Membro do Partido Radical, foi ministro de Instrución Pública (1895-1896) e presidente do goberno (1902-1905). Mantivo unha política anticlerical coa que, a partir de 1904, lles prohibiu ás congregacións relixiosas o exercicio do ensino e coa que formulaba a separación Igrexa-Estado.

1. A primeira folla, ou as primeiras follas, do embrión das fanerógamas. Nalgúns casos, funciona como órgano de dixestión das substancias nutritivas almacenadas no tecido nutricio da semente, aínda que se volve fotosintetizador cando a planta xermina. Noutros casos, actúa como órgano de reserva e está cheo de materiais nutritivos que absorbeu antes de madurecer a semente. O número de cotiledóns caracteriza a algúns grupos de plantas: as monocotiledóneas teñen un, as dicotiledóneas dous, e as ximnospermas un número variable. Pódense distinguir dous tipos de cotiledóns: os epixeos, que saen á superficie do chan ao xerminar a semente, e os hipoxeos, que permanecen enterrados. Tamén se denomina cótila.

2. Cada un dos lóbulos da cara uterina da placenta.

1. Relativo ou pertencente ao cotiledón.

2. Que posúe un ou máis cotiledóns.

PERSOEIRO

Soprano. Estudiou en Bucarest e Viena. Destacou como intérprete do repertorio de Mozart. Retirouse a finais de 1990.

PERSOEIRO

Caricaturista e realizador. Coñecido como Émile Cohl, foi escenógrafo no estudo Gaumont, onde en 1908 realizou Fantasmagorie, os primeiros debuxos animados da historia do cine.

PUBLICACIÓNS

Publicación aparecida na parroquia do Carril (Vilagarcía de Arousa) en 1893. Á parte dos contidos propios do periódico, Luís Bouza Trillo comezou a publicar por entregas a novela La Torre del Miadelo.

1. Pequeno recipiente cilíndrico de diferentes materiais, como a madeira, o metal ou o plástico, que se usa para lanzar os dados no parchís ou en xogos similares.

2. aso máis ancho na boca que no fondo, que usan os pasteleiros e cociñeiros como molde.

PERSOEIRO

Escultor. Formado na Slade School de Londres, entrou en contacto con artistas, como Rey Butler, e cos conceptos da plástica europea. En 1985 instalouse en Évora, onde desenvolveu un traballo no que destaca o tratamento de materiais, como a pedra ou a madeira, o diálogo entre espazo e volume, e o predominio dos corpos femininos. Entre as súas obras destacan os monumentos públicos do Rei Dom Sebastião (Lagos, 1973) e Camões (Cascais, 1983), contemplados como un intento de desmitificar a estatuaria oficial do Portugal salazarista, así como a súa serie dos Guerreiros. Participou na Bienal de São Paulo (1979-1980) e en ARCO 1986.

PERSOEIRO

Compositor e pianista de jazz norteamericano. Realizou estudios musicais no Peabody Conservatory de Baltimore e, posteriormente, tocou na orquestra do Royal Theater desa vila e foi pianista do Bohemian’s Cavern de Washington. Traballou, entre outros músicos, con D. Gordon, S. Vaughan, cos Jazz Messengers de Art Blakey e con S. Getz, con quen realizou unha xira en 1984 pola Costa Oeste.