"PL" (Contén)

Curva ou cadro de axuste B. Consiste nunha curva suave que conecta aproximadamente dous puntos. As curvas B poden unirse entre si para facer que unha curva suave pase por calquera número de puntos. Cada segmento dunha curva B-spline está influído por catro puntos, os dous entre os que se atopa, ademais dun máis en cada dirección. Isto fai que o cálculo dunha curva B-spline sexa moito máis rápido ca o cálculo dun cadro (curva de axuste) cúbico, debido a que cada parte deste último está influído por todos os puntos a unir.

Curva ou cadro de axuste B. Consiste nunha curva suave que conecta aproximadamente dous puntos. As curvas B poden unirse entre si para facer que unha curva suave pase por calquera número de puntos. Cada segmento dunha curva B-spline está influído por catro puntos, os dous entre os que se atopa, ademais dun máis en cada dirección. Isto fai que o cálculo dunha curva B-spline sexa moito máis rápido ca o cálculo dun cadro (curva de axuste) cúbico, debido a que cada parte deste último está influído por todos os puntos a unir.

Bacterias que viven en suspensión en augas continentais ou mariñas formando parte do plancto. Aliméntanse de materia orgánica soluble liberada polo metabolismo e a descomposición doutros organismos de toda a columna de auga.

Cirurxía plástica do glande do pene.

Entidade bancaria inglesa fundada por John Freame no 1694. Logo dun crecemento ininterrompido, no ano 1896 converteuse na Barclay and Company Limited, nome que trocou no 1917 por Barclays Bank Limited. Sendo xa o primeiro banco británico, no ano 1968 absorbeu o Martins Bank. O grupo Barclay comprende, entre outros, o Barclays Bank PLC, que el preside, e o Bank International Limited, o seu banco exterior.

Proposta norteamericana á comisión de enerxía atómica da ONU (1946). Elaborada por Bernard Mannes Baruch e modificada por David Eli Lilienthal, recomendaba a creación dun mando único internacional que controlara o emprego da enerxía nuclear e a construción de bombas atómicas a nivel mundial. O plan foi rexeitado pola Unión Soviética.

Principios nos que se centraron os obxectivos do rexionalismo galego. Foron elaboradas por Alfredo Brañas en 1892 coa axuda de Pereiro Romero, Cabeza de León e Álvarez Ínsua, conforme ao patrón das Bases de Manresa.

Área montañosa da rexión sudanesa de Nixeria, formada por un altiplano de gneises do cal sobresaen altiplanos residuais ou monadnocks de granito. É o lugar máis importante de África en explotación de casiterita, da que se extrae o estaño.

Obra de Eugenio D´ors en lingua catalá publicada en 1911. Considerada como o breviario do Novecentismo, representa unha reacción contra o Modernismo, ao mesmo tempo que propón un programa de exaltación do Clasicismo e da tradición.

Plano inclinado onde se sitúan, aliñados, os hipocentros dos sismos profundos. Localízase na parte superior da litosfera, cando esta se afunde nas zonas de subdución. Denomínase tamén como zona de Benioff.

Plano da reforma social británica que se desprende do Report on Social Insurance and Allied Services (Informe sobre a Seguridade Social e servicios anexos, 1942), formulado pola comisión presidida por William H. Beveridge. Pretendía redistribuír a renda nacional a través dos seguros sociais e dos subsidios familiares. O financiamento do programa repartíase a medias entre os patróns e os traballadores, dunha banda, e os ingresos procedentes dos impostos, da outra.

Primeira edición políglota da Biblia. Foi promovida polo cardeal Francisco Jiménez de Cisneros e encargada á Universidade de Alcalá. A obra estampouse entre o ano 1514 e o 1517, pero só se puido difundir despois de que León X outorgase a autorización no ano 1520. Consta de 6 volumes. O texto latino ía acompañado do grego, do hebreo, do dos Setenta e do Targum de Onkelos, con versións interlineais e literarias en latín.

Meseta da rexión central de Angola, elevada a unha altura media de 1.500 m. No seu interior, na parte NO, érguese o monte Môco (2.619 m), altitude máxima do país e divisoria de augas; nel nacen, entre outros, os ríos Cuanza, Cubango, Cunene e Cuando. O seu clima é temperado, ao estar matizadas polo factor altitude as condicións que lle corresponderían pola súa latitude tropical (11°-15° S): Kuito, situado no centro do altiplano, ten unha temperatura media anual de 19°C e rexistra unha precipitación de 544 mm anuais, recollidos sobre todo no verán. Predomina a vexetación de sabana e as explotacións agrarias, principalmente plantacións comerciais, sitúanse ao longo da liña do ferrocarril de Benguela ao Congo, que atravesa o altiplano conectando os seus principais núcleos de poboación (Huambo, Kuito, Camacupa, etc).

Avión coas ás dispostas paralelamente en dous planos, e unidas xeralmente por tirantes.

Fenómeno presente en certas linguas africanas, consistente en dúas interrupcións sucesivas, pero moi inmediatas na produción de fonemas oclusivos.