"PLA" (Contén)

Plasto que contén soamente pigmentos non asimiladores, polo xeral amarelos ou vermellos.

Nome que tomou a Tripla Alianza en 1718, ao adherirse Austria. O acordo supuxo a renuncia de Carlos VI de Austria aos reinos hispánicos, o paso de Sicilia á xurisdición austríaca e de Sardeña a Savoia, o recoñecemento do futuro Carlos III de España como o sucesor dos ducados de Parma e Plasencia e do gran ducado de Toscana, así como a devolución de Xibraltar. Non obstante , o cardeal Alberoni, ministro de Filipe V, non aceptou estas condicións e os británicos atacaron Sicilia (1718) e os franceses invadiron España polos Pireneos (1719). En 1719, Filipe V expulsou a Alberoni e en 1720 adheriuse á Cuádrupla Alianza (1720). Pola Paz da Haia, o Emperador Carlos VI renunciou á Coroa española e Filipe V renunciou á posesión de Sardeña e Sicilia, ao tempo que acadaba os ducados de Parma, Plasencia e Toscana para os seus fillos. Para concluír unha paz definitiva, os membros da Cuádrupla Alianza convocaron o Congreso de Cambrai (1721-1727).

Acordo establecido entre Austria, Prusia, Rusia e Reino Unido en 1815 coa finalidade de manter a orde establecida no Congreso de Viena. Permaneceu en vigor ata 1822.

Tratado asinado en Londres o 22 de abril de 1834 entre Reino Unido, Francia, España e Portugal para poñer fin ás guerras civís da Península Ibérica, expulsar os pretendentes absolutistas de España (Carlos María Isidro de Borbón) e de Portugal (o infante Miguel), e aniquilar os seus partidarios. A axuda material foi inexistente pero o soporte diplomático e a chegada de voluntarios contribuíron ao éxito da causa liberal.

Forma de introducir o ensino individualizado na escola. Helen Parkhurst, discípula de M. Montessori, iniciou este método en 1904 e realizou as súas experiencias ata 1915. O plan desenvolveuse enteiramente na High School de Dalton (Massachussetts), localidade que lle deu nome e, dende alí, estendeuse a outros países. Este plan baseábase en tres principios pedagóxicos: liberdade do alumno para escoller e organizar o seu propio traballo, xa que cada un deles organiza as súas unidades didácticas; fomentar as relacións sociais mediante a cooperación, inspirada en Dewey; e aumentar a independencia e individualidade do alumno para manifestarse tal como é, e interpretar o mundo baixo o seu punto de vista. Segundo o plan de traballo, este organizábase en fraccións, é dicir, cada alumno debía dominar unha fracción do programa para pasar á seguinte, empregando nese obxectivo todo o tempo que lle fose necesario segundo o seu ritmo de aprendizaxe. As tarefas organizábanse en seis laboratorios (lingua,...

Informe elaborado en 1923 por Charles Gates Dawes, e publicado ao ano seguinte. Acordado no Tratado de Versailles, a súa finalidade era estimar a capacidade de pagamento de Alemaña e determinar tanto os medios de reparación económica coma as correspondentes obrigas. Supuxo, de feito, a redución no importe dos pagos impostos a Alemaña en concepto de reparacións de guerra, xunto á colaboración económica dos EE UU na súa recuperación.

Recuperación da turxencia normal dunha célula plasmolizada por absorción da auga que perdeu.

Aplícase á substancia que favorece a queratinización das células epiteliais en procesos cicatrizantes.

Sacar o emplasto a algo.

Arrincar unha planta da terra coa súa raíz.

Dito ou feito que mostra desconsideración, fachenda ou ofensa.

Conxunto de substancias de reserva, como os glícidos, as proteínas ou as graxas, que están dispersas en forma de gránulos dentro do citoplasma dos ovos da maioría dos animais. Segundo a cantidade, un ovo pode ser alecítico, centrolecítico, heterolecítico, oligolecítico e teolecítico. Tamén recibe o nome de vitelo.

Relativo ou pertencente ao deutoplasma.

Revista en castelán aparecida en 1982 en Ferrol. Editada por Arte Galicia-SAF, incluíu información sobre certames, xornadas, concursos e premios relacionados coa arte. Ofrece tamén datos sobre museos, seminarios e galerías.

Tendencia artística italiana de carácter futurista que se caracterizou polo gusto pola velocidade pura. Pertenceron a ela, entre outros, Carrá, Marinetti e Severini.

Fenómeno relativo aos fungos que presentan dúas formas de zoosporas. As zoosporas primarias liberadas, despois de se enquistaren, orixinan unha zoospora secundaria que formará agrupacións celulares; posteriormente, enquistarán e xerminarán co que orixina un tubo xerminal e unha hifa. O período entre esporas primarias e secundarias varía segundo as especies. Pode ocorrer que as zoosporas primarias non cheguen a saír do esporanxio e só sexan libres as secundarias. Este fenómeno preséntano, entre outros, os fungos do xénero Saprolegnia.