"RAG" (Contén)

1. Tabique musculomembranoso abovedado que separa o abdome do tórax no corpo dos mamíferos. Está constituído por un músculo impar, asimétrico, ancho e aplanado, carnoso na periferia e aponeurótico no centro. Presenta tres grandes aperturas para a aorta, a vena cava inferior e o esófago. Ten un papel fundamental na respiración, permanece relaxado durante a inspiración, onde é esencial, e tenso durante a expiración.

2. Membrana ou peza que separa dúas cavidades.

3. 1. Abertura regulable dunha cámara fotográfica, cinematográfica, de televisión ou de vídeo que permite modificar a vontade a cantidade de luz que atravesa o sistema óptico da cámara e que impresiona a película, ou que incide sobre o tubo de imaxe. Pode colocarse un dispositivo diante, dentro ou detrás do obxectivo, e cumpre tres finalidades: regular a cantidade de luz que pasa polo obxectivo e imprime a película, pasar os raios de luz polo centro da lente e regular a profundidade de campo.

   2. diafragma de iris

      Anel de follas ou láminas superpostas a carón ou no propio obxectivo, e que se dedican a controlar o tamaño da abertura.

4. Calquera dispositivo que limita un feixe de raios que atravesa un sistema óptico.

5. Tabique poroso para separar solucións nunha pila eléctrica en procesos electrolíticos.

6. Lámina situada perpendicularmente á dirección do movemento dun fluído e cun burato concéntrico co eixe do conduto. Ten como finalidade contraer a vea de fluído nos dispositivos utilizados nas determinacións do caudal, ao medir a presión deste antes e despois do diafragma.

7. Membrana que establece separacións no interior dalgúns froitos, como as que existen nas silicuas e silículas.

8. Dispositivo anticonceptivo que consiste nun disco de látex ou outro material plástico, que se coloca na parte máis profunda da vaxina, antes do colo uterino, para impedir a entrada dos espermatozoides dentro da cavidade uterina e evitar así unha posible fecundación posterior do óvulo.

9. ...

PERSOEIRO

Escritor senegalés. Estudiou veterinaria en Toulouse e posteriormente en París, onde se asociou ao movemento da negritude. Presidiu a Association des écrivains du Sénégal e o comité de lectura das Nouvelles Éditions africaines. Escribiu os volumes de contos Les contes d’Amadou Koumba (1947), Nouveaux contes d’Amadou Koumba (1958) e Contes et Lavanes (1963), e o poemario Leurres et lueurs (1960).

1. Calquera ferramenta ou aparello que serve para escavar terreos subacuáticos. Todo o mecanismo de mando e movemento da ferramenta que recolle os materiais vai montado nunha barcaza con dispositivos para almacenar os materiais extraídos ou cun sistema para transportalos a un lugar adecuado. Hai catro clases principais de dragas: draga de culler, a máis empregada, que ten unha pa montada no extremo dun brazo móbil, e a súa descarga faise abrindo o fondo; a draga de alcatruz ou rosario que leva unha cadea de pas montadas sobre un bastidor móbil; a draga de culler autoprensora, formada por dúas partes iguais articuladas que recollen a lama que queda entre elas; e a draga aspiradora que recolle os sedimentos mediante sución.

2. Embarcación provista dun aparello dragador.

PUBLICACIÓNS

Publicación editada na Coruña a partir de 1933. Subtitulouse “Semanario de crítica política”.

1. Cada unha das dúas pezas que están situadas sobre a popa e que serven de base para toda a construción do espello dun barco de madeira.

2. Táboa grosa, recta e de superficies planas, que, pola parte do medio, se axusta coa roda de popa e que polos extremos vai unida con porlóns ao dragante.

3. Táboa grosa e curvada unida con porlóns polos seus extremos ao dragante dereito e que lle dá forma á popa do barco.

1. Operación que consiste en escavar e limpar de materiais os fondos subacuáticos.

2. Operación militar que ten como finalidade a retirada ou destrución de minas submarinas.