"llo" (Contén)

MUNICIPIOS

Municipio da provincia de Cáceres, Extremadura, situado ao L da capital (9.219 h [2001]). É un centro agrícola, gandeiro e comercial. Corresponde á antiga Tragillium da Lusitania e o seu centro urbano foi declarado BIC en 1962. Destacan, entre outros monumentos, o castelo (BIC, 1925), a igrexa de Santa María la Mayor (BIC, 1943), o palacio de San Carlos (BIC, 1979) e a casa-palacio do Marqués de la Conquista (BIC, 1987).

CAPITAIS

Capital do departamento de La Libertad, Perú, preto da desembocadura do Moche no Océano Pacífico (603.657 h [estim 1998]). A causa das dificultades para construír un porto, utilízase o de Salaverry para dar saída aos produtos procedentes do val de Santa Catalina. Fundada por Diego de Almagro (1534), desenvolveu unha grande actividade durante a época colonial. En 1820 foi sede da proclamación de independencia de Perú e alí residiu o goberno oposto a S. Bolívar (1823). Do seu patrimonio cultural destacan a catedral e a igrexa do antigo Hospital de Belén.

PERSOEIRO

Ditador dominicano. Militar, entre 1919 e 1925 ascendeu de tenente a coronel dentro da Guardia Nacional, corpo que chegou a comandar como xeneral. Colaborou na revolta contra o presidente Horacio Vázquez (1930). Presidente da república (1930-1938 e 1948-1952), coa axuda do exército instaurou unha ditadura e perseguiu á oposición democrática ou liberal. Morreu asasinado.

PERSOEIRO

Política. Doutora en Dereito (1991), desde 1993 é profesora na Universidad de Extremadura. Foi conselleira do Consejo Económico y Social de Extremadura e conselleira da Presidencia (2000) e de Fomento (2003-2004) da Junta de Extremadura. En 2004 converteuse en ministra de Vivenda.

PERSOEIRO

Pintor. Cultivou a paisaxe e a mariña e recibiu a influencia de C. Lorrain, entre outras obras, en Dido building Carthage (1815). Despois dunha viaxe a Italia (1817) investigou as luminosidades intensas e as cores, como en The Grand Canal, Venice (1835) ou The fighting Temeraire tugged to her last berth to be broken up (1838). Desde 1840 tratou temas onde os elementos desencadeados permiten expresar as vibracións da luz e o movemento, como en Rain, Steam and Speed (1844). A súa obra, expresión dun forte romanticismo, anunciou o impresionismo.

PARROQUIA

Parroquia do concello de Palas de Rei baixo a advocación de san Vicente.

GALICIA

Avogado, xornalista e político. Afiliouse á Unión Liberal e, tras o triunfo da Revolución de 1854, foi elixido deputado en varias ocasións, pola Coruña, Mondoñedo, e A Fonsagrada. Foi director xeral de Ultramar (1858-1863), subsecretario de Estado (1856) e ministro de Mariña (1863), de Fomento (1864) e de Estado (1874) ata a Restauración. Colaborou con distintos xornais como El Tribuno, El Clamor Público e El Voto Nacional (que tamén dirixiu) e publicou Revista de Indias (1868). Foi membro da Real Academia de Ciencias Morales y Políticas.

GALICIA

Cantante lírico. En 1866 conseguiu a praza de baixo na catedral de Santiago. Debutou en Florencia coa ópera La Africana. Destacou a súa interpretación nas óperas Norma, Hernani, Moisés ou Fausto.

GALICIA

Xornalista e poeta. Publicou os poemarios Pluma y alma (1913), Ecos de la tragedia (1914) e De la vida (1919).

PERSOEIRO

Xornalista. Fundou o xornal Noticiero Gallego e a revista ilustrada Galicia cómica e publicou Arlequinada (1894).

GALICIA

Enxeñeiro agrónomo e político. Presidiu a Deputación Provincial de Lugo (1963-1965) e foi procurador en Cortes (1963-1965), senador electo por Lugo (1977-1979 e 1982-1989) e deputado por UCD (1979-1982) e por Alianza Popular (1982-1986). Dirixiu a Escola Universitaria de Enxeñería Técnica Agrícola de Lugo.

PERSOEIRO

Mariño e científico. Participou na expedición que, promovida pola Académie des Sciencies de París, se encargou de medir o arco de meridiano terrestre en Perú. Ocupou cargos importantes na armada. Escribiu Noticias americanas (1772).

PERSOEIRO

Economista e político. Apoiou a Filipe V durante a Guerra de Sucesión e foi procurador de Cortes. Discípulo de Jerónimo de Uztáriz, foi un dos expoñentes do colbertismo na Península Ibérica. Publicou Restablecimiento de las fábricas y comercio español, errores sobre las causas de su decadencia y los medios de que florezca (1740) e Del comercio y tráfico marítimo que tiene España en las naciones y en la América (1741).