"CIA" (Contén)

Programa radiofónico emitido por CW 1 Radio Colonia a partir do 19 de setembro de 1991. Sintonizábase en Uruguay e Arxentina. Dirixido e presentado por Juan Carlos Iniesta-Vázquez, tentaba ser un instrumento para difundir información sobre as orixes dos emigrantes. Incluíu reportaxes sobre temas galegos e tivo unha estreita colaboración coa Radio Galega. O programa recibiu o Premio Galicia de Xornalismo 1992 na especialidade de radio.

Quincenario de tendencia rexionalista editado en Santiago de Compostela a partir do 15 de xaneiro de 1888. Cesou a súa edición no mes de agosto do mesmo ano. Subtitulouse “Revista quincenal de costumbres, cuentos, agudezas, anécdotas y tipos gallegos (...) y geroglíficos”. Dirixido por Enrique Labarta Pose, contou coa colaboración de destacados intelectuais como Alfredo Brañas, Antonio de la Iglesia e Manuel Amor Meilán. Continuou en 1890 co nome de La Pequeña Patria.

Quincenario editado en La Habana a partir do 19 de setembro de 1891 e subtitulado “Revista científica, literaria, artística y humorística”. Dirixido por J. Romero Hiáñez de Freyre, incluíu artigos sobre actualidade, literatura, filosofía, etc, ademais de citas e poemas.

Revista de información xeral editada en Santiago de Compostela a partir de novembro de 1994. Cesou a súa edición en xullo de 1996 (nº 12). Dirixida por Olegario Sotelo Blanco e coordinada por Luís Álvarez Pousa, tentaba ser un instrumento de comunicación destinado aos centros galegos no exterior. Incluíu diversidade de reportaxes, entrevistas, temas culturais, crónicas e artigos de opinión. Nalgúns números inseriuse un relato breve de narradores galegos.

Periódico editado en Santiago de Compostela a partir de agosto de 1885. Na súa cabeceira anunciaba o seu carácter independente e a súa saída dúas veces á semana. Imprimiuse nos obradoiros tipográficos de Alonso. Ademais das noticias locais e de carácter xeral, incluíu poesías e folletíns.

-quincenal, editada en Madrid durante os anos 1937 e 1938 pola Agrupación de Gallegos Libertarios, baixo a dirección do mestre ourensán Samuel Gómez González. A partir do nº22 (15.5.38) pasou a denominarse “Órgano de la Federación de Agrupaciones de Gallegos Libertarios”. En total imprentáronse 37 números en Madrid; trasladáronse a comezos de 1939 a València, onde se confeccionaron dous máis. Nas súas páxinas agrupou os colectivos de combatentes galegos que loitaban a prol da República e que se identificaban coa ideoloxía anarquista; entre eles podense citar Miguel Vázquez Valiño, Manuel Pita Armada, Xosé Ledo e Luís Chamorro. Tamén dende América, onde o periódico tiña abondosa distribución, houbo colaboradores na emigración galega, e destacaron as achegas do publicista Campio Carpio dende Arxentina.

Álbum de estampas de Castelao publicado en València en 1937, xunto co álbum Atila en Galicia, no que describiu a represión durante a Guerra Civil. Inspirouse nos cartóns para tapices de Raemaekers e, do mesmo xeito que fixera Goya en Los desastres de la guerra, a súa denuncia non se limitaba neste caso á Guerra Civil senón a todo tipo de barbarie. Cada debuxo, no que predomina o claroscuro, vai acompañado dunha lenda de carácter irónico que lle dá título. Está formado polos debuxos: Este é o deus dos feixistas; Queiman, rouban e asesinan no teu nome!; Arriba os probes do mundo!; Así aprenderán a non ter ideas; Cobardes! Asesinos!; A derradeira lección do mestre; Non enterran cadavres, enterran semente; Van a matarnos, pero venceremos; Esta door non se cura con resiñación; e Superviventes.

Periódico mensual aparecido en Santiago de Compostela a partir de 1995. Subtitulouse “Guía máxica de Galicia”. Editado pola Asociación de Maxia e Ocultismo de Galicia e dirixido por Manuel Aneiros Loureiro, tentaba servir como medio divulgativo do mundo da astroloxía, a quiromancia e o tarot. Imprimiuse nos obradoiros tipográficos de El Ideal Gallego. Ademais, incluíu información sobre seminarios de maxia galega tradicional e filosofía celta.

Quincenario de carácter económico editado na Coruña a partir de 1902.

Revista semestral editada en Vigo a partir de 1983. Cesou a súa edición posiblemente en decembro de 1991. Dirixida por Luís Carballo e pioneira no seu sector, tentaba converterse nun referente para publicitar a moda galega en toda España. Prestou unha atención especial aos desfiles que tiñan lugar en Galicia, especialmente á organización de Luada. Ademais incluíu información sobre a Pasarela Cibeles de Madrid e o Salón Gaudí de Barcelona, xunto con resumos das principais pasarelas internacionais. Dedicou outros apartados ao deseño, ás artes plásticas, á arquitectura e á literatura. No seu segundo número distribuíu un caderno titulado Galicia cultural, no que se facían referencias á novela e ao teatro galegos.

Periódico estudantil editado en Santiago de Compostela a partir de xaneiro de 1909. O seu director literario foi Luis Vilardefrancos Calé. Trátase posiblemente da primeira publicación universitaria que se rexistra en Galicia. Na súa elaboración participaron Antonio F. Tafall, Manuel Lustres Rivas, Eduardo Dieste e Castelao.

Programa radiofónico emitido a finais dos anos setenta do s XX en Madrid por Radio Cadena Española. Dirixido e presentado por Manuel Lombao, incluía entrevistas a autores, músicos, pintores e intelectuais galegos que eran noticia na capital de España.