"GR" (Contén)

1. 1. Froito ou semente dos cereais.

   2. Semente doutros froitos, redondeada e sen casca.

2. 1. Cada un dos froitos ou sementes que forman parte dun agregado.

   2. gran negro AGR

      Variedade de uva tinta.

3. 1. Parte ou porción redondeada e moi pequena de algo.

   2. Forma de agregación das partículas constituíntes dunha substancia que determina a maior ou menor dureza ou aspereza ao tacto.

   3. Cada un dos cristais poliédricos, normalmente visibles ao microscopio, que forman a estrutura policristalina dun metal ou dunha aliaxe. Cada gran fórmase a partir dun núcleo de cristalización e crece en todas as direccións e cunha única orientación dos átomos. Segundo o proceso de formación, os grans poden prolongarse nunha dirección preferente (grans alongados), poden presentar unha forma máis ou menos regular (grans equiaxiais) ou poden ser completamente irregulares.

   4. ...

ILLAS

Illa do NO de Europa, a máis grande das illas do arquipélago británico (229.334 km2; 58.057.300 h [estim 2000]). Comprende Inglaterra, Escocia e Gales.

ILLAS

Illa das Canarias, situada entre a de Tenerife e Fuerteventura (1.532 km2; 887.676 h [1996]). A capital é Las Palmas de Gran Canaria. De orixe volcánica, presenta unha forma case circular e está constituída por un macizo que acada a máxima altitude no Pozo de las Nieves (1950 m), no centro da illa. A poboación concéntrase no NL, que é a zona máis rica en agricultura; o 55% reside na capital. A produción de plátanos, localizada ao N e NL, e de tomates, ao S, é a riqueza principal. A industria concéntrase na zona NL e en Teide (industrias químicas, da construción, conserveiras e fábricas de elaboración de tabaco). Ten unha grande importancia o turismo.

REXIÓNS

Rexión da América Meridional entre a cordilleira dos Andes ao O, o río Paraguay ao L, os Llanos de Chiquitos ao N e o río Salado ao S (800.000 km2). Esténdese por Bolivia, Paraguay e Arxentina. Está formada por un zócolo cristalino recuberto por terreos aluviais e loess, inclinado cara ao L. É unha gran conca endorreica e só os ríos Pilcomayo e Salado atravesan a rexión de O a L, para desembocar no río Paraguay. Divídese en tres rexións: o Chaco Boreal, entre os Llanos de Chiquitos e o río Pilcomayo; o Chaco Central, entre o río Pilcomayo e o Bermejo e o Chaco Austral, entre o río Bermejo e o Salado. O clima é tropical, cunha pluviosidade que, sobre todo no verán, provoca o desbordamento dos ríos, inundando a rexión. A vexetación está basicamente constituída por bosques tropicais xerófilos. As fontes de riqueza do Chaco, ademais da explotación do petróleo, descuberto en 1931, son a explotación forestal, a minería (estaño) e actualmente adquiriron moita importancia as...

REPUBLICAS

Confederación integrada por Nueva Granada, Venezuela e Ecuador, constituída no Congreso de Angostura (1819) e da que Simón Bolívar foi o seu primeiro presidente. No congreso de Cúcuta, onde foi elaborada a Constitución (1821), manifestáronse as primeiras disensións entre centralistas e federalistas; feito que acabou provocando a súa desintegración coa separación de Venezuela (1829) e Ecuador (1830). En 1886 tomou o nome de República de Colombia.

REXIÓNS

Rexión do SO dos EE UU, cunha extensión que sobrepasa o millón de km2, entre Sierra Nevada e as montañas Wasatch (Rochosas). Esténdese polos estados de Idaho, Utah, Oregon, Nevada, California e Arizona. Está formada por unha serie de concas e por cadeas de montañas constituídas por materiais volcánicos e sedimentarios.

LAGOS

Lago do Territorio do Noroeste, Canadá (28.438 km2). Atravésao o río Mackenzie, do que é regulador. Está comunicado co Gran Lago dos Osos e posúe explotacións de uranio e ouro.

LAGOS

Lago do Territorio do Noroeste, Canadá, de orixe glacial (32.000 km2). Atravésao o río do Oso e está comunicado co Gran Lago do Escravo. Desemboca no río Mackenzie. Nas beiras hai explotacións de uranio e radio.

LAGOS

Lago do estado de Utah, EE UU (4.690 km2). A gran concentración de cloruro e sulfato de sodio da auga fai que esta, ás veces, chegue a solidificarse nos lugares pouco profundos.

MACIZO

Macizo alpino constituído principalmente por rochas cristalinas, situado entre os vales do Orco e do Dora Baltea, dos Alpes de Graies. Ten grandes altitudes, como o Gran Paradiso (4.061 m) e o Grivola (3.969 m).

MACIZO

Macizo montañoso dos Abruzos, Italia, máxima altura dos Apeninos (Corno Grande, 2.914 m). Formado por rochas calcarias, ten un relevo modelado, en parte, polos glaciares.