"RG" (Contén)

PARROQUIA

Parroquia do concello de Xinzo de Limia baixo a advocación de san Tomé.

IGREXAS

Igrexa parroquial situada en Xinzo de Limia. Foi reedificada en 1920 e conserva restos da fábrica románica anterior, como as fachadas. No seu interior destaca a imaxe de San Tomé de época barroca. Na fachada principal ten catro arquivoltas con decoración xeométrica. A fachada N ten un axadrezado e o tímpano un rosetón e sete brazos.

1. Institución da Idade Media que establecía que un determinado número de bens do patrimonio familiar era considerado unha unidade inalienable para asegurar a orde sucesoria que se baseaba na herdade do primoxénito co fin de evitar o reparto de terras e o debilitamento das familias máis poderosas. Naceu no s XII como concesión real para perpetuar os bens dunhas liñaxes determinadas ata que no s XVI, mediante as leis de Toro (1505), foi ordenada xuridicamente. Desde finais do s XVIII quedou limitada e por mor dos desequilibrios sociais que provocaron as grandes concentracións, aboliuse en 1828.

2. Patrimonio dunha familia que herda o fillo maior.

3. Fillo maior herdeiro dos bens  que pertencen á familia.

4. Fillo único.

PERSOEIRO

Matemático e lóxico inglés. Tratou, desde o punto de vista filosófico, os conceptos de número e magnitude. As súas contribucións máis importantes foron no campo da lóxica simbólica e, xunto con G. Boole, pódese considerar o impulsor desta nova corrente durante a primeira metade do s XIX. Traballou na fundamentación da teoría das relacións e na explicación das bases sobre as que posteriormente se construíu a lóxica matemática. Publicou Elements of Arithmetic (1831).

PERSOEIRO

Psicólogo. Traballou na University of Bristol, foi un dos fundadores da psicoloxía comparada e estableceu o canon de Morgan (1894), onde afirmou que ningunha actividade animal debe interpretarse en termos de procesos psicolóxicos superiores mentres se poida facer cos inferiores da escala evolutiva. Da súa produción destacan Animal Life and Intelligence (1890-1891), Introdution to Comparative Psychology (1894) e The Animal Mind (1930).

PERSOEIRO

Corsario. Elixido almirante polos bucaneiros en 1666, dirixiu unha expedición (1668) que destruíu Puerto Príncipe (Camagüey) e Portobelo, e outra en 1670 que se apoderou da cidade de Panamá. Carlos II de Inglaterra nomeouno lugartenente xeral de Xamaica (1674), cargo do que o desposuíron en 1683 por abuso de poder.

PERSOEIRO

Financeiro estadounidense. Continuou a obra iniciada polo seu pai, Junius Spencer Morgan (West Springfield, actual Holyoke, Massachusetts 14.4.1813-8.4.1890), coa creación do banco J. P. Morgan and Co, grazas ao que se introduciu no financiamento das primeiras industrias estadounidenses. Superado o período de posguerra, en que foron combatidas as prácticas monopolistas, o grupo reapareceu na década de 1960.

PERSOEIRO

Etnólogo. Foi un dos principais representantes da teoría evolucionista no terreo da antropoloxía cultural. Estudou a evolución da familia, o matrimonio, a propiedade e o estado a través das épocas e os pobos, e afirmou que hai tres etapas culturais que marcan o progreso da humanidade, o salvaxismo, a barbarie e a civilización. Escribiu Ancient Society (1877).

PERSOEIRO

Biólogo estadounidense. Estudou na Universaty of Kentucky e na Johns Hopkins University de Baltimore, onde se doutorou (1890), e foi profesor de zooloxía no Bryn Mawr College de Pennsylvania (1891-1904), na Columbia University (1904-1928) e no Instituto Tecnolóxico de California. A partir dos seus estudos xenéticos con Drosophila melamogaster, ideou a teoría cromosómica da herdanza e estableceu o primeiro mapa cromosómico dunha especie. Das súas obras destacan Evolution and adaptation (1903), The physical basis of heredity (1919) e Theory of the gene (1926). Recibiu o Premio Nobel de Fisioloxía e Medicina   (1933) polos seus descubrimentos do papel dos cromosomas na herdanza.

PERSOEIRO

Astrónomo estadounidense. Foi autor dunha clasificación para as galaxias que incluíu o tipo espectral, e a forma e orientación da galaxia respecto á liña de visión desde a Terra. Fixo tamén importantes achegas ao estudo das galaxias ricas en estrelas novas (1958).

1. Aplícase ao matrimonio dun soberano ou un príncipe cunha persoa de rango inferior.

2. Aplícase á persoa de rango inferior que casaba cun príncipe ou un soberano. Esta unión podía levar á perda dos dereitos á coroa dos contraentes e dos seus descendentes.

REXIÓNS

Rexión do S de Gales, Reino Unido. Administrativamente está dividida nos condados de Canol Morgannwg, capital Merthyr Tydfil (55.800 h [estim 2000]), Morgannwg, capital Cardiff (327.500 [estim 2000]) e Gorllewin Morgannwg, capital Swansea (230.300 h [estim 2000]).