"RG" (Contén)

PERSOEIRO

Bioquímico. Tivo un papel decisivo na interpretación do código xenético e en 1961 encontrou ribosomas e conxugounos cun ARN artificial. Amosou como as instrucións xenéticas no núcleo celular controlan a composición das proteínas. Recibiu a Medalla Nacional de Ciencia e o Premio Nobel de Fisioloxía ou Medicina (1968), que compartiu con H. Gobind Khorana e Robert W. Holley.

PERSOEIRO

Filólogo sueco. As súas liñas de investigación centráronse nas linguas romances e na súa literatura histórica. Publicou Syntaktische Forschungen (Estudos sintácticos, 1943), Beiträge zur spätlateinischen Syntax (Achegas á sintaxe do latín tardío, 1944), La poésie latine rythmique du haut moyen âge (1954), Introdution à l’étude de la versification médiévale (1958) e Manuel pratique du latin médiéval. Foi membro das academias suecas de Belas Artes e Ciencias.

PERSOEIRO

Eclesiástico alemán. Fundou en Laon a orde de Prémontré, aprobada en 1126. Vendeu todos os seus bens e repartiunos entre os pobres. Fundou a abadía de Prémontré, predicou contra unha seita maniquea e foi arcebispo de Magdeburg, cidade onde morreu e onde se atopa enterrado. Segundo unha lenda, tragouse unha araña velenosa que caera no seu cáliz cando estaba celebrando a misa. Na iconografía represéntase con vestiduras episcopais ou de frade premonstratense, cun cáliz cunha araña, un ostensorio ou un escapulario. A súa festividade celébrase o 6 de xuño.

PERSOEIRO

Físico austríaco. Especializouse na investigación da Terra por medio de sensores remotos situados en satélites artificiais. Emigrou a EE UU e en 1953 participou no proxecto de satélites meteorolóxicos TIROS e Nimbus e nos de busca de recursos terrestres ERTS e Landsat. Foi xefe da sección de medidas físicas no centro Goddard da NASA.

PERSOEIRO

Químico inglés. Estudou e doutorouse na University of Cambridge. Especializouse no estudo de reaccións químicas ultrarrápidas e das variacións do equilibrio químico baixo pequenos impulsos eléctricos. Destaca o seu artigo “Fifty years of physical chemistry in Great Britain” (1969). Recibiu o Premio Nobel de Química (1967), xunto con George Porter e   Manfred Eigen, polos seus estudos sobre as reaccións ultrarrápidas.

PERSOEIRO

Bailarín e coreógrafo. En 1747 compuxo o seu primeiro espectáculo para a Opéra Comique. Foi primeiro bailarín e mestre de baile nos principais teatros de Francia, Alemaña, Gran Bretaña, Austria e Italia. Publicou Lettres sur la danse et sur les ballets (1760).

CIDADES

Cidade do estado de Rio Grande do Sul, Brasil, situada ao N de Pôrto Alegre (199.479 h [1991]).

PERSOEIRO

Poeta. Colaborador de diversos xornais e revistas, como Diario de Pontevedra, El Pueblo Gallego e Faro de Vigo, caracterizouse pola súa sensibilidade lírica. Publicou os libros de poemas Silencio (1932) e El sueño desanclado (1936).

CIDADES

Cidade do land de Baviera, Alemaña (486.628 h [2000]). Capital histórica de Franconia, sitúase á beira do Pegnitz, nun cruzamento de vías entre os portos italianos e as cidades hanseáticas do N, entre o Rin e o Danubio. Tivo un papel importante na historia alemá e forma unha conurbación industrial con Fürth e Erlangen. Das súas industrias destacan as de automóbiles, de maquinaria, de aparatos de precisión, químicas e papeleiras. En 1191 constituíuse como burgraviato pertencente aos Hohenzollern. Foi sede da dieta imperial en varias ocasións e nunha delas ditouse a Bula de Ouro (1356), que establecía o número dos electores imperiais. Os Hohenzollern intentaron anular o desenvolvemento das liberdades municipais, o que provocou unha guerra civil entre os señores e a cidade entre 1388 e 1389. Finalmente, os Hohenzollern cedéronlle o seu feudo á cidade en 1427, pero o contrato de cesión, mal interpretado, deu lugar ás guerras dos margraves (1449-1450 e 1552-1553). Durante os ss XV e...

PERSOEIRO

Biólogo estadounidense. Trasladouse a Inglaterra e fundou o Journal of Hygiene, ideou unhas probas na análise clínica do sangue e illou o Bacillus aerogenes capsulatus da gangrena gasosa.

PERSOEIRO

Fotógrafa estadounidense. Coñecida como Dorothea Lange, formouse con Arnold Genthe (1914) e Clarence White (1917-1918). Entre 1919 e 1940 traballou como fotógrafa independente e estableceu o seu propio estudo en Berkeley. A partir de 1932 retratou as persoas no seu propio contexto social, rexeitando calquera manipulación, o que a levou a traballar para a Farm Security Administration (FSA) fotografando as vítimas da Gran Depresión en EE UU (1935-1942). Fundadora da revista Aperture (1952), colaborou con Life e viaxou polos continentes americano e asiático. Publicou The American Country Women (1967) e Dorothea Lange (1972).

PERSOEIRO

Piloto automobilístico italiano. Despois dunha exitosa carreira no mundo do motociclismo (1921-1930), chegou ao automobilismo da man de Alfa Romeo (1930), para logo pasar a Ferrari (1935). Foi o único que inquietou a superioridade das marcas alemás Mercedes-Benz e Auto Union. Gañador de varios grandes premios, destacan as súas vitorias en Tunisia, na Eiffelrennen, na Coppa Ciano, na Targa Florio e nas 24 Heurs de Le Mans (1933).