"BRE" (Contén)

PERSOEIRO

Enxeñeiro. Neto de Abraham-Louis Breguet, inventou un aparello capaz de medir a velocidade dos proxectís e fixo os primeiros ensaios de telégrafo do ferrocarril de París a Rouen. Foi membro da Académie des Sciences.

PERSOEIRO

Enxeñeiro e aviador. Fillo de Antoine Breguet, en 1907 construíu o seu primeiro avión, e no 1911 creou a SA des Ateliers d’ Aviation Louis Breguet. Foi o primeiro en estudar sistematicamente os problemas do radio de acción e da autonomía dos avións.

FILOSOFOS

Filósofo francés. Desempeñou os cargos de profesor de filosofía en diversos liceos (1900-1909) e nas universidades de Rennes (1909-1911), Bordeos (1912-1919) e Sorbonne de París (1920-1946). As súas reflexións teóricas centráronse nas cuestións formuladas pola filosofía da historia: a cuestión da existencia dunha filosofía cristiá, o problema da causalidade na historia da filosofía, e a periodización na historia da filosofía. Escribiu diversas obras sobre filosofía grega e medieval e sobre o idealismo alemán, entre as que destacan: Les idées philosophiques et religieuses de Philon d’Alexandrie (As ideas filosóficas e relixiosas de Filón de Alexandría, 1907), Histoire de la philosophie allemande (Historia da filosofía alemana, 1921) e Histoire de la philosophie (Historia da filosofía, 1926-1930).

PERSOEIRO

Historiador e orientalista. Profesor de historia antiga e medieval na Universidade de Clarmont de Auvernia (1898-1938). Dedicouse ao estudo de Bizancio e das relacións Oriente-Occidente. Entre as súas obras destacan: L’Eglise et l’Orient au moyen âge. Les Croisades (A Igrexa e o Oriente na Idade Media. As cruzadas, 1907), L’Art Byzantin (A arte bizantina, 1924) e como síntese dos seus traballos, Le Monde Byzantin (O mundo bizantino, 1947-1950).

PERSOEIRO

Físico norteamericano de orixe rusa. Traballou no National Bureau of Standards (1920), na Carnegie Institution (1924-1929) e en diferentes universidades norteamericanas (Minnesota, Nova York, Wisconsin, Yale). No 1924 participou no proxecto Manhattan pero máis tarde abandonouno. Interesouse polo estudo do magnetismo terrestre e da ionosfera, e polas resonancias das reaccións nucleares.

CUMIOS

Cumio do macizo do Monte Rosa, límite entre Suíza e Italia. Alcanza unha altitude de 4.160 m. Maynard escalouno por primeira vez en 1813.

PERSOEIRO

Crítico literario suízo. En lingua alemá escribiu, en colaboración con Johann Jakob Bodmer, Kritische Dichtkunst (Arte poética crítica, 1740), onde condena a crítica poética de Johann Christoph Gottched ao defender a imaxinación e a fantasía.

PERSOEIRO

Pintor holandés, discípulo de Jozef Israëls. Nas súas obras iniciais percíbense influencias de Franz Hals, Rembrandt, Mesdang e Willem Maris. Nun comezo pintou, en estilo realista, animadas composicións de cabalos. Despois dunha viaxe a París no 1884, na que descubriu a pintura de Manet, orientouse cara a un impresionismo moi persoal. Estableceuse no 1886 en Amsterdam, onde se dedicou a amosar escenas da vida portuaria e da súa arquitectura. O interese deste autor pola fotografía testemúñase nas composicións, instantáneas e directas, como Paleisstraat ou Amsterdam, pintadas no 1896. É coñecido, ademais de polas súas visións de Amsterdam, polos seus espidos.

PERSOEIRO

Estadista alemán. Ministro de interior de Prusia (1918-1919) e especialista en asuntos económicos. De ideoloxía liberal, sostivo posicións favorables ao Tratado de Versailles. Morreu nun campo de concentración nazi.

PARROQUIA

Parroquia do concello de Silleda baixo a advocación de Santiago.

1. Caída de auga dende unha altura provocada polo desnivel da canle dun río.

2. freixo.

IGREXAS

Igrexa parroquial situada en Silleda e documentada dende 1233. De estilo románico, consta dunha nave. O presbiterio salienta pola súa ornamentación; o seu acceso é a través dun dobre arco de medio punto: o maior está decorado con arquiños e o menor é de sección prismática. Os capiteis, canzorros e impostas tamén están decorados, así como os arcos cegos que percorren os muros laterais. Probablemente esta iconografía foi realizada por un artista de orixe non galega na órbita do mestre Mateo ou dos que traballaron no mosteiro de Carboeiro a finais do s XII.