"RL" (Contén)

PERSOEIRO

Médico cirurxián. Estableceuse nos EE UU en 1882. As súas achegas máis relevantes foron no campo da cirurxía abdominal e no das aplicacións da radioloxía á diagnose das fracturas.

PERSOEIRO

Enxeñeiro. Comezou como obreiro e, observando o seu propio labor, concibiu unha forma de medir e estimular o traballo manual. Co seu sistema, o punto minuto ou punto Bedaux, define a cantidade de traballo que pode ser realizado por un obreiro medio nun minuto, a un ritmo tal que sostido durante unha xeira de oito horas, non chegue a esgotalo; todo o traballo que excedese de sesenta puntos por hora recompesaríase cunha prima. Durante a Segunda Guerra Mundial colaborou cos nazis e co goberno de Vichy e, ao rematar esta, foi extraditado aos EE UU. Xulgado e condenado por traizón, suicidouse.

PERSOEIRO

Zoólogo, director da Nova York Zoological Society dende 1952. Xunto co enxeñeiro Otis Barton deseñou unha batisfera coa que exploraron as grandes profundidades mariñas a máis de 900 m de profundidade (1934).

PERSOEIRO

Médico escocés. Foi profesor de Cirurxía na Universidade de Edimburgo (1836). Destacan os traballos que dedicou á diferenciación das raíces nerviosas medulares ao separar as motoras, anteriores, das sensitivas, posteriores (lei de Bell). Descubriu o signo que leva o seu nome (signo de Bell) e que permite diagnosticar a parálise facial. Publicou: New idea of anatomy of the brain (Novas ideas sobre anatomía cerebral, 1811) e The nervous system of the human body (O sistema nervioso do corpo humano, 1830).

PERSOEIRO

Realizador cinematográfico norteamericano. Traballou máis na televisión ca no cine, no que dirixiu algúns westerns e algunha película de terror. Realizou, entre outras, Seminole uprising (A sublevación seminola, 1955), Toughest gun in Tombstone (A forte pistola en Tombstone, 1958), Gunpoint (A punta de pistola, 1966), Munster, go home (Monstro, marcha para casa, 1966), Seven alone (Só sete, 1975), Speed trap (Trampa rápida, 1978) e Magnum thrust (O empurre da botella, 1981).

PERSOEIRO

Poeta peruano. Estudiou Letras en Lima. A súa poesía recollida en El pie sobre el cuello (1967) manifesta, apoiándose nunha linguaxe clásica e irónica, as frustracións do home obrigado a renunciar ás preocupacións intelectuais para subsistir.

PERSOEIRO

Poeta sueco. Fíxose famoso como compositor de odas e cancións á vida e ao amor. Burlesca, satírica e de gran lirismo, a súa obra foi recollida en Fredmans Epistlar (1790) e Fredmans sänger (1791).

MUNICIPIOS

Municipio da provincia de Castelló de la Plana, na Comunitat Valenciana, situado na comarca do Baix Maestrat, na chaira de Vinaròs (19.229 h [1996]). O 86% da superficie do concello dedícase á agricultura (árbores froiteiras e oliveiras). Destaca tamén a cría das aves de curral e a actividade pesqueira. A industria, moi desenvolvida e diversificada, converteuse no primeiro sector de actividade, destacando as ramas téxtil, química, conserveira e da construción. O sector comercial e de servicios tamén é moi relevante, favorecido pola explotación dos seus recursos turísticos, contando cunha gran cantidade de establecementos de hostalería. O Rei Xaime I outorgoulle carta de poboamento en 1236. Dende 1316 formou parte da encomenda da Orde de Montesa. En 1522 Carlos I concedeulle o título de vila. Durante a guerra das Xermanías resistiu un sitio de vinte días dos insurrectos, permanecendo leal á coroa. Os carlistas incendiárona en 1837, no transcurso da Primeira Guerra Carlista. Entre o seu patrimonio...

PERSOEIRO

Enxeñeiro alemán. Foi   un dos creadores e propulsores do automóbil. Fundou a empresa Benz & Cie (1883), patentando o seu primeiro modelo de coche en 1886; ao saír dela (1905), constituíu a C. Benz Söhne. Construíu un motor de gas de dous tempos (1879), patentou un triciclo con motor de gasolina de dous tempos (1886), introduciu o cambio de velocidades, resolveu a xeometría da dirección e aplicou a batería ao arranque. A súa sociedade fusionouse en 1926 coa Daimler Motoren Gesellschaft.

PERSOEIRO

Xeógrafo e cartógrafo alemán. Traballou en Francia no servizo cartográfico nacional e trala caída do réxime napoleónico pasou a Prusia. Entre as súas obras cómpre salientar o Physikalischer Atlas (Atlas físico, 1837-1848), que comprende 93 mapas con texto, e o Allgemeine Länder-und Völkerkunde (Xeografía rexional e etnoloxía xeral, 1836-1841). Foi editor da revista Hertha e colaborador dos Annalen der ErdVölkerund Staatenkunde, onde traballou con Alexander von Humboldt.

PERSOEIRO

Químico alemán. Investigou a aplicación das altas presións nas reaccións químicas, busca da que derivaron o proceso de Bergius e o proceso de Bergius-Willstätter. No 1931 compartiu o Premio Nobel de Química con C. Bosch.

PERSOEIRO

Tenor italiano. Estudiou en Parma e no Conservatorio de Boito. Debutou en Lecce (1948) como barítono. Cambiou de corda en 1951. Máis tarde, en 1953, actuou no Scala de Milán e no Covent Garden de Londres, onde interpretou a distintos personaxes de Verdi. Está considerado como un dos máis grandes líricos deste século.

PERSOEIRO

Bioquímico e doutor en Medicina. Realizou traballos de investigación sobre a heparina, a autooxidación e o metabolismo do colesterol e dos ácidos biliares. Efectuou tamén o illamento das prostaglandinas. En 1982 compartiu o Premio Nobel de Fisioloxía e Medicina con B. I. Samuelsson e J. R. Vane.

PERSOEIRO

Violinista e compositor belga. Estudiou en París baixo a dirección de Baillot. Fundou a escola belga de violín e é autor de nove concertos para este instrumento. Escribiu un Méthode de violon en trois parties (Método de violín en tres partes, 1858).

PERSOEIRO

Escritor. Publicou ensaios violentos como Mort de la pensée bourgeoise (Morte do pensamento burgués, 1929) e dirixiu o semanario Marianne (1932-1937), desde onde loitou polos seus ideais pacifistas. Son posteriores Histoire de l’Europe (Historia de Europa, 1946-1947) e a súa autobiografía Sylvia (1952), o seu libro máis coñecido. A súa obra máis destacada é o diálogo con P. Modiano titulado Interrogatori (Interrogatorios, 1976).

PERSOEIRO

Arquitecto. Adaíl da escola holandesa que se rebelou contra o eclecticismo do s XIX e a través de quen pasou a Europa a influencia da escola americana. Baseou a arquitectura na construción e na aplicación de materiais feitos por mesteirais. Atraído polas construcións románicas, usou as grandes paredes continuas e os arcos de medio punto. Durante a súa estancia en América recibiu unha grande influencia de Henry Hobson Richardson. Entre as súas obras destaca a Bolsa de Amsterdam (1897-1903), a casa de Holanda en Londres (1914) e o museo municipal da Haia (1919-1934).

MUNICIPIOS

Municipio da provincia de Badajoz, Extremadura, preto do límite con Andalucía e no partido xudicial de Llerena (2.716 h [1996]). A súa economía baséase no sector agropecuario, destacando os cultivos de cereais, alfarrobeiras, vide e oliveiras, ademais da gandería ovina e porcina. Ten fábricas de xabón, gaseosas e augardentes.

MUNICIPIOS

Municipio da comarca do Bierzo, integrado na provincia de León, comunidade de Castela e León (459 h [1996]). A súa actividade económica céntrase na produción de cereais, legumes e castañas, ademais da cría de gando.