"AN" (Contén)

PERSOEIRO

Novelista polaco. Especializado no xénero de ciencia fición, as súas obras manifestan a súa imaxinación futurista, o seu sentido filosófico crítico e un coñecemento perfecto da técnica moderna. Entre outras obras escribiu Dzienniki gwiazdowc (Diarios estelares, 1957), Solaris (1961), Bajki robotów (Fábulas de robots, 1964), Cyberiada (1965), Doskonat a próznia (O oco perfecto, 1971) e Golen XIV (1981).

GALICIA

Escultor. Graduouse en artes aplicadas na Escola de Artes e Oficios Mestre Mateo de Santiago de Compostela. Participou en diversas convocatorias da Bienal de Pontevedra e na I Mostra Unión Fenosa (1989).

GALICIA

Editor e impresor. Iniciou a súa actividade profesional coa edición de diversos folletos, como “Informe sobre el cólera morbo asiático” (1848), de Nicolás Taboada Leal. A partir do 3 de novembro de 1853 a súa imprenta dedicouse case exclusivamente á edición do Faro de Vigo, fundado polos xuristas Xosé Carvajal Pereira e Xosé Mª Posada. Co tempo pasou a ser da súa propiedade e chegou a exercer como director, cargo no que foi relevado polo seu fillo Eladio de Lema Martín.

GALICIA

Pintor. De formación autodidacta, cultivou a pintura relixiosa, histórica, rural, social e arqueolóxica. Da súa obra destacan Recordo da construción (1978), A batalla do Ebro (1980), Evacuación de feridos (1980), Adán e Eva no Paraíso (1980) e Castro de Borneiro. Cidá celta (1986). Recibiu o primeiro premio do Concurso de Arte Naïf da Fundación Pedro Barrié de la Maza (1981).

GALICIA

Químico industrial. Estudiou na Universidade de Santiago de Compostela, onde se doutorou en 1975. Director da Escola Técnica Superior de Enxeñería da USC, da titulación de Enxeñería ambiental, e responsable do grupo de Enxeñería e Biotecnoloxía ambiental do Instituto de Investigacións Tecnolóxicas da USC, foi experto na área de enxeñería ambiental da ONUDI (Organización das Nacións Unidas para o Desenvolvemento Industrial). O seu traballo céntrase no campo da biotecnoloxía ambiental, con investigacións no tratamento de augas residuais de industrias lácteas, madeireiras, conserveiras, de lixiviacións de vertedoiros de residuos urbanos de grande interese pola súa incidencia en Galicia. Tamén traballou no campo dos biorreactores.

PERSOEIRO

Actor francés. Coñecido como Frédérick Lemaître, comezou a súa carreira nos teatros de variedades, onde participaba nos máis diversos espectáculos. Despois de tres anos no Odéon, onde representou papeis menores, en 1924 participou na posta en escena do melodarama L’Auberge des Adrets no Théâtre de l’ Ambigu. Coa chegada do drama romántico realizou diversos espectáculos nos teatros Odéon, Porte-Saint-Martín, Ambigu, Folies Dramatiques e Varietés, particularmente con obras de Victor Hugo e Dumas.

LAGOS

Lago situado na fronteira entre Francia e Suíza. Ten 582 km2, 70 km de lonxitude e 13,8 km de extensión máxima, e está dividido no Gran Lago ao L e o lago de Xenebra ao O. Está formado por glaciares cuaternarios. Atravesado de O a L polo río Ródano, este forma un delta no extremo oriental. Na súa beira atópanse as cidades de Xenebra, Lausanne, Vevey Montreux e Thonon-les-Bains.

1. Presencia na memoria de feitos pasados.

2. Presente que se fai a alguén para lembrar algunha cousa.

3. Homenaxe que se fai como recordatorio dunha persoa ou dun acontecemento.

4. Saúdos dunha persoa ausente a unha terceira persoa.

PERSOEIRO

Poeta e humanista retorrománico. Coñecido como Simon Lemnius, en 1538 suscitou as iras de Lutero con dous libros de epigramas. Publicou o drama Monachopornomachia, obras líricas e o poema épico Raeteis.

GALICIA

Pintor. Ao comezar a Guerra Civil foi recrutado polas tropas franquistas pero pasouse ao bando republicano e, trala contenda, estivo encarcerado en Ferrol. De regreso a Vigo, especializouse na talla en madeira, e traballou nunha empresa como modelista. Posteriormente dedicouse á cerámica e á pintura ao óleo e realizou a súa primeira exposición en 1947. Perseguido como traidor ao bando franquista, en 1950 marchou a Bos Aires, onde se dedicou á cerámica e traballou como modelista e decorador da casa M.A.P.O. En 1977 regresou a España e instalouse en Palma de Mallorca ata que en 1986 se trasladou á Estrada. Realizou mariñas, nus e maternidades.

PERSOEIRO

Mestre de cantería. Activo en Santiago de Compostela, realizou a fonte de San Froitoso (1493) e traballou nas obras do Hospital Real, onde substituíu nalgunhas ocasións a Enrique Egas. Para o mosteiro de San Martiño Pinario construíu en 1510 dous claustros iguais aos que existían.

PERSOEIRO

Pintor. Influído por Rubens, puxo en relevo a cor, a luz e as encarnacións. Decorou a capela de Notre Dame en Saint-Sulpice (París) e o Salon d’Hercule en Versailles (1733-1736).

GALICIA

Escritor. Foi cronista do concello de Mondoñedo. Publicou Mondoñedo: El Convento de Alcántara (1910), Del obispado de Mondoñedo (1915) e, postumamente, Etnografía mindoniense (2000), recompilación de artigos publicados en El Compostelano. Foi correspondente da Real Academia Galega. Recibiu a encomenda da Orden de Alfonso X el Sabio (1949).

PERSOEIRO

Cortesá. Coñecida como Ninon de Lenclos, recibiu unha educación coidada e liberal do seu pai Henri de Lenclos. O seu salón de París converteuse no cenáculo literario máis famoso da súa época.

CIDADES

Cidade da provincia de Hunan, China, situada ao N de Shaoyang (137.994 h [1990]). Posúe minas de ferro.