"CIO" (Contén)

Acción e efecto de designar.

1. Relación existente entre un elemento lingüístico (signo) e un elemento non lingüístico (concepto, propiedade, proposición, etc). A designación non establece unha relación entre o signo lingüístico e a realidade á que se refire, senón que establece unha relación entre o elemento linguístico e o concepto elaborado polos humanos para referirse a esa realidade.

2. designación sinonímica

   derivación sinonímica.

Conxunto de accións dirixidas a eliminar, destruír ou inactivar os xermes nocivos ou os microorganismos patóxenos que un obxecto ou un ser vivo poden conter ou que o poden acompañar. Os procedementos habituais de desinfección son o lavado cunha disolución acuosa de desinfectante, a pulverización ou a impregnación das superficies a tratar e a fumigación con gases en lugares pechados. A desinfección de obxectos inanimados é un problema diferente da desinfección de tecidos vivos. No primeiro caso, hai que destruír todos os xermes (esterilización) xa que, se permanecen vivas algunhas bacterias, se reproducen rapidamente. No segundo caso, os tecidos vivos dispoñen de mecanismos de defensa contra a invasión bacteriana, e a finalidade dos desinfectantes usados (antiséptico) é a de axudar á xa mencionada defensa; moitas veces é suficiente a inhibición do crecemento dos xermes.

Práctica de cultivo que se emprega na horticultura intensiva, consistente na aplicación de fumigantes ou vapor de auga para destruír ou polo menos reducir a poboación de parasitos e patóxenos do solo que se puidesen desenvolver como consecuencia dun cultivo precedente, a uns niveis economicamente aceptables.

Acción de desinformar.

Falta de información.

Acción e efecto de desintegrar ou desintegrarse.

1. Proceso que provoca un cambio na estrutura interna dun núcleo atómico. Pódese producir de forma espontánea ou pode estar provocado pola interacción con partículas ou fragmentos nucleares de alta enerxía; neste caso recibe o nome de reacción nuclear. Distínguense dous tipos principais de desintegracións, as alfa (α) e as beta (β), que se diferencian en que a primeira ten un espectro discreto de enerxía, mentres que na segunda é continuo. Xunto con estes fenómenos prodúcese a miúdo unha radiación electromagnética (γ). Existen na natureza toda unha serie de núcleos radioactivos: os de número atómico superior a 82, que proveñen das desintegracións do uranio 238, do torio 232 e do uranio 235, e teñen unha vida media moi longa; os de número atómico inferior a 82, coma por exemplo o potasio 40; e, finalmente, os que se forman de xeito espontáneo por mor das reaccións nucleares, coma o tritio e o carbono 14. Hai tamén radionúcleos artificiais, coma o cobalto 60 ou o cesio 137. A...

2. constante radioactiva/de desintegración

   Coeficiente de proporcionalidade que relaciona o número de núcleos que se desintegran por unidade de tempo co número de núcleos presentes naquel instante. As magnitudes derivadas da constante de desintegración son a vida media e o período radiactivo.

3. desintegración alfa

   Desintegración dun núcleo por emisión dunha partícula alfa.

4. desintegración beta

   Desintegración dun núcleo por emisión dunha partícula beta ou por captura dun electrón cortical.

5. desintegración dobre beta

   Desintegración pola que os neutróns dun átomo se transforman en dous protóns e inxectan dous electróns e dous antineutróns.

6. desintegración non radiactiva

   Desintegración dun átomo ou molécula dun estado excitado a un estado de menor enerxía sen emisión de radiación electromagnética.

Proceso de redución das dimensións dos sólidos como resultado da aplicación de forzas de compresión ou de cortes efectuados nun desintegrador. Esta operación vai ligada sempre á obtención final dunha medida de partícula controlada, e tamén a unha dispersión estatística das dimensións das partículas.

Proceso ou situación de disgregación dos elementos dun sistema social producido por unha carencia de cohesión interna, da organización funcional, ou pola desaparición dos intereses comúns. No caso dun grupo, a desintegración é consecuencia da perda de identificación co grupo por parte dos membros, ou da disolución da estrutura do grupo pola acción de axentes esóxenos ou endóxenos.

Acción e efecto de desintoxicar ou desintoxicarse.

Conxunto de procesos que reducen ou diminúen os efectos nocivos de substancias tóxicas, como drogas ou velenos. Realízase a través da redistribución, da biotransformación, fundamentalmente no fígado,da eliminación pulmonar, urinaria, dixestiva ou doutras, e tamén co uso de antídotos. OBS: A grafía < x > representa o son [ks].

Acción e efecto de desionizar ou desionizarse.

desmineralización.