"RG" (Contén)

Colección de 23 relatos escritos por Francisco Álvarez de Nóvoa e editados na Biblioteca Gallega de Andrés Martínez Salazar en 1896. Algúns deles foron publicados polo autor na prensa da época, en publicacións como El Eco de Galicia ou A Nosa Terra. Nesta obra reflíctense as ideas renovadoras que tanto influíron, anos despois, nas Irmandades da Fala. O libro é unha mostra de narrativa urbana, burguesa e psicoloxista, rompedora co estilo tradicional, feito que a relegou á marxinalidade entre a crítica da época. Nela predomina a presenza de personaxes e ambientes vinculados ao mundo labrego e a Ourense, sen esquecer a Galicia mariñeira, feito que constitúe unha novidade na narrativa do seu tempo, e onde as situacións amorosas, vitais e costumistas conforman as principais liñas temáticas dos relatos. Cómpre destacar ademais que nos “Dous parrafeos” iniciais, o autor amosa a súa preocupación polos aspectos lingüísticos e pola creación dunha lingua literaria.

Ácido monocarboxílico saturado que se emprega na síntese orgánica, na fabricación de lacas, plásticos, aromatizantes e na industria farmacéutica.

Antocianidina obtida por hidrólise de cloruro de pelargonina.

Glicósido que se atropa no xeranio escarlata e na dalia de cor vermella alaranxada. É o 3,5-di-D-glucósido da pelargonidina, na que se converte con facilidade por hidrólise en ácido líquido.

Planta da familia das xeraniáceas pertencente ao xénero Pelargonium. De grande interese como planta ornamental, pódense diferenciar tres tipos: os zonais, con follas circulares, son os máis cultivados como plantas de tarro; os de porte colgante, con talos colgantes ou semirrastreiros e follas lobuladas máis duras; e os de pensamento, con follas dentadas e grandes flores blancas e vermellas, e que son moi usados polos floristas. Tamén existen pelargonios de folla olorosa, utilizados na industria da perfumaría para a obtención de aceites.

Xénero de plantas herbáceas, da familia das xeraniáceas, que presentan as flores irregulares, odoríferas e de cores moi variadas. É un xénero que destaca pola exuberancia das súas flores.

Antiga colonia dórica situada na rexión de Panfilia. Ocupada por Alexandre o Grande (334), foi capital da provincia romana Pamphylia Secunda.

Que está feito de pergamiño ou que é moi semellante a el.

Persoa que fai ou vende pergamiños.

pergameo.

Folio fragmentario, escrito por ambas caras, que contén sete cantigas de amor musicadas de don Denís. Datado aproximadamente en 1300, foi descuberto polo profesor Harvey L. Sharrer (1990) na Torre do Tombo, en Lisboa. Con diversas lagoas na parte musical e poética, é o único documento localizado de data medieval da obra do rei portugués. Puido realizarse no scriptorium de don Denís, quizais correspondente co perdido Livro das trovas de el-Rei D. Dinis, e caracterízase, ademais de pola súa distribución en tres columnas -rara en época medieval-, pola uniformidade na separación das liñas e polos versos dispostos en liña e separados por unha raia vermella, escritos polo menos por dúas mans diferentes en tipos de letra distintos. Os fragmentos das cantigas aparecen na mesma disposición ca nos cancioneiros da Vaticana e da Biblioteca Nacional.