"RG" (Contén)

PERSOEIRO

Pacifista belga. Dominicano, creou a Aide aux Personnes Déplacées (1949) e fundou o Mahatma Gandhi International Peace Centre, transformado na Universidade da Paz (1960) en Tihangelez-Huy (Bélxica). Escribiu Bâtir la paix (1966). Recibiu o Premio Nobel da Paz (1958) e o Premio Sonning de Dinamarca (1964).

CAPITAIS

Capital do nomós de Élide, Grecia Occidental (21.958 h [1981]). Situada a pouca distancia da costa setentrional do golfo de Arcadia, é un centro comercial e industrial.

RIOS

Río situado en Castela e León, afluente pola dereita do Duero. Nace na serra de Peña Labra, na vertente S da cordilleira Cantábrica e percorre de N a S as provincias de Palencia e Valladolid, para desembocar nesta última tras un percorrido de 325 km.

PERSOEIRO

Director e actor ruso. Fundou un teatro de vangarda en Peterburgo. Triunfou, sobre todo, como director en Francia pola súa ousadía na presentación dun repertorio selecto clásico e moderno, especialmente a partir de obras de L. Pirandello, Čekhov, Shaw e O’Neill. Formou parte do Grupo dos Catro, integrado por Louis Jouvet, Charles Dullin e Gaston Baty. A súa muller, Ludmille Pitoëff (Novorossijsk 25.12.1899 - Rueil-Malmaison, Hauts-de-Seine 15.9.1951), foi unha destacada actriz que se especializou na representación de obras de A. Dumas, H. Ibsen e, sobre todo, de teatro relixioso.

PERSOEIRO

Escritor e diplomático mexicano. Defensor e promotor do patrimonio cultural mexicano no exterior, nas súas obras dota aos personaxes de trazos autobigraficos e aparecen de forma constante a desgraza, a enfermidade e o illamento dos individuos. Como narrador especializouse no xénero dos contos, que recolleu nas coleccións Tiempo cercado (1959), Infierno de todos (1965) e Los climas (1966). Tamén publicou as novelas El tañido de una flauta (1972), La vida conyugal (1991) e El arte de la fuga (1996). Recibiu o Premio Juan Rulfo de Literatura Hispanoamericana (1999).

CIDADES

Cidade no estado de Pennsylvania, EE UU (334.563 h [2000]). Está situada ao O do estado, onde os ríos Monogahela e Allegheny conflúen para formar o Ohio e constituír o denominado Golden Triangle, núcleo da cidade e centro de negocios. É o principal centro da industria siderúrxica de EE UU e do mundo, sede da United States Steel Corporation. A industria esténdese polos vales dos ríos, que teñen un importante tráfico fluvial. Fundada a mediados do s XVIII como un punto clave para a exploración e colonización do val de Ohio, os franceses construíron Fort Duquesne (1754), substituído polos ingleses (1758) por Fort Pitt ou Pittsburgh. Cara a 1840 iniciou unha forte expansión industrial grazas ás minas próximas de ferro e carbón e á inmigración europea.

PERSOEIRO

Teórico marxista ruso. Iniciou a súa actividade no populismo en 1875. Deportado a Siberia, conseguiu fuxir e estableceuse en Xenebra ata 1917. Marxista convencido, defendeu a necesidade de organizar un poderoso partido obreiro baixo a dirección socialista como preparación para a futura revolución. En 1917 proclamou a continuación da guerra contra o invasor, o que o illou do triunfo da Revolución de Outubro, á que se opuxo.

MUNICIPIOS

Municipio da provincia de València, Comunitat Valenciana (4.359 h [2001]). A práctica totalidade do territorio dedícase á agricultura de regadío, da que laranxeira é o cultivo principal, aínda que tamén se dan hortalizas e outras froiteiras. As actividades industriais derivan da preparación, envase e comercialización de laranxas.

PERSOEIRO

Enxeñeiro e topógrafo francés. Profesor do Conservatoire National des Arts et Métiers, inventou diversos instrumentos para traballos fotogramétricos de restitución de fotografías verticais.

PERSOEIRO

Pintor e grafista. Formou parte da escola de París, onde se estableceu en 1923. Evolucionou cara á abstracción e en 1938 contactou con V. Kandinskij e R. Delaunay. O seu espazo pictórico está composto por formas planas, coma se fosen placas, que se articulan a xeito de mosaico. Destacaron Composition rouge et vert (1962) e Composition grise, rouge et jaune (1960).

PERSOEIRO

Político francés. Ao servizo do goberno francés no exilio do xeneral Charles de Gaulle, foi funcionario do Consello do Estado (1946-1954) e director xeral da banca Rothschild (1956-1958). Despois de ser xefe do gabinete do presidente De Gaulle (1958-1959), volveu ao seu cargo na banca. Foi primeiro ministro (1962-1968) e, ao retirarse De Gaulle, presidente da república (1969-1974).

CONDADOS

Condado de Irlanda, situado en Munster (1.857 km2; 94.680 h [1996]). A súa capital é Port Láirge (42.540 h [1996]).

PERSOEIRO

Químico inglés. Estudou na Leeds University e na University of Cambridge, onde foi discípulo de R. Norrish, co que colaborou nas investigacións encamiñadas á obtención de reaccións químicas ultrarrápidas, traballos que recibiron o Premio Nobel de Química en 1967, compartido con M. Eigen. Despois especializouse no estudo da fotosíntese.