"RG" (Contén)

1. Deixar ou poñer algo ou a alguén nun lugar inferior ao que lle corresponde ou sen as vantaxes das que goza o resto.

2. Deixar algo para un momento posterior.

MONTES

Monte situado na parroquia de Carracedo da Serra (A Gudiña). O seu cumio acada os 1.000 m de altitude.

PERSOEIRO

Pintor. Formouse na Académie Julien de París e residiu posteriormente en Venecia. De volta a EE UU, viviu en Boston e en Nova York e participou no grupo The Eight. Influído polo impresionismo traballou directamente as cores puras sobre a tea mediante a espátula. Destaca Central Park (1901).

PERSOEIRO

Director de orquestra francés. Discípulo de A. Cluytens, foi director dos teatros da ópera de Marseille (1948), Lille e Toulouse (1946-1955). Trasladouse posteriormente a París e foi nomeado director estable da Opéra Comique (1955-1959) e do Théâtre Nacional de l’Opéra (1970-1971).

PERSOEIRO

Compositor ruso. Formado no Conservatorio de San Petersburgo, co seu primeiro concerto para piano e orquestra (1910) iniciou unha serie de obras, inicialmente de vangarda e máis tarde de corte neoclásico, como as sinfonías para orquestra, as sonatas para piano, o conto musical Pedro e o lobo (1936), obras corais e cantatas, como Sete son sete (1936). Cultivou con intensidade a música escénica, especialmente con ballets como Romeu e Xulieta (1935) e con óperas como O amor das tres laranxas (1921), que difundiu por EE UU cun enorme éxito, e Guerra e paz (1946). Tamén escribiu música para obras teatrais e os filmes Aleksandr Nevskij (1938) e Iván o terrible (1945).

GALICIA

Xurista. Foi catedrático de Dereito Internacional Público e Relacións Internacionais na Universidad de Extremadura (1987-1988), na Universidad de Cantabria (1988-1990) e, desde 1990, na Universidade de Santiago de Compostela, onde é profesor na Cátedra Jean Monet de Dereito da Integración Europea desde 2000. As súas liñas de investigación céntranse no dereito marítimo, nas organizacións internacionais de integración e no dereito internacional humanitario. Escribiu, entre outros, La Actividad Exterior y Comunitaria de Galicia. La experiencia de otras Comunidades Autónomas (1997), xunto a M. T. Ponte Iglesias, e Mercosur: nuevos ámbitos y perspectivas en el desarrollo del proceso de integración (2000), con J. Rey Caro.

GALICIA

Escritor e político, fillo de Luciano Puga Blanco. Coñecido como Picadillo, licenciouse en Dereito pola Universidade de Santiago de Compostela e foi xuíz municipal de Arteixo, concelleiro (1914) e alcalde da Coruña (1917). Colaborador de El Noroeste e El Orzán, destacou como escritor de temas gastronómicos e costumistas. Da súa obra destacan Treinta y seis maneras de guisar el bacalao (1901), Integración de algunas materias de derecho civil (1901), La cocina práctica (1905), Las 56 maneras de hacer el bacalao (1906?), El rancho de la tropa (1909), Pote aldeano (1911), Vigilia reservada. Minutas y recetas (1912) e Mi historia política (1917).

PERSOEIRO

Industrial. Xunto con Ben Field realizou en Chicago un tipo de vagón de ferrocarril con camas (1863). O primeiro vagón-cama construído foi bautizado con nome de The Pioneer (1865), e axiña se difundiu mundialmente. Tamén ideou outros perfeccionamentos e melloras para a comodidade, como os asentos extensibles ou o vagón restaurante. Fundou unha fábrica en Palmyra e unha cidade que leva o seu nome, Pullman City, en Chicago.

1. Acción e efecto de purgar ou de purgarse.

2. purgante.

3. Proceso de eliminación de elementos politicamente indesexables, ou pouco seguros no seo dunha administración pública ou nun partido político, realizado polo órgano executivo ou polos máximos dirixentes. Son célebres os de Stalin, na URSS (1936-1938).