"Est" (Contén)

IGREXAS

Igrexa parroquial situada no Páramo. De orixe románica (s XII), reformouse en épocas posteriores. Ten nave única, capela maior de planta cuadrangular e unha sancristía pegada no N. A porta principal é de arco de medio punto con dúas arquivoltas baquetonadas e tímpano con dúas estrelas incisas. No muro S consérvase outra porta de arco de medio punto con dúas arquivoltas, a exterior baquetonada e erixida sobre columnas con fustes lisos e capiteis vexetais, e a interior de sección recta. No tímpano hai dous pequenos arcos cegos con motivos cruciformes incisos.

PERSOEIRO

Compositor valón. Estudiou en Roma, onde coñeceu a ópera italiana. Instalado en París desde 1767, combinou o estilo italiano co francés en óperas cómicas. Da súa produción destacan as óperas Le Huron (1768), Zémire et Azor (1771) e Richard Coeur-de-lion (1784). Compuxo ademais cuartetos, sinfonías e obras sacras.

PARROQUIA

Parroquia do concello de Santa Comba baixo a advocación de Santa María.

FILOSOFOS

Filósofo inglés. Formado na Oxford University, foi chanceler da mesma (1221), arquidiácono de Leicester e desde 1253 bispo de Lincoln. Considerado un dos fundadores da escola de Oxford e influído polas ideas de Platón e Aristóteles, colocou a luz no centro da súa metafísica e da súa epistemoloxía. Recoñeceu, ademais, a importancia da experimentación no establecemento das verdades científicas. Das súas obras detacan, De unica forma omnium, De generatione stellarum, De motu corporali et lue e De intelligentiis. Así mesmo, traduciu do grego e do latín a Teoloxía mística de Pseudodionisio e De fide ortodoxa de Damascio.

PERSOEIRO

Revolucionario arxentino. Coñecido como Che Guevara, doutorouse en Medicina en Bos Aires (1953). En Guatemala apoiou o goberno do presidente Jacobo Arbenz, e en 1956 estableceuse en México, onde contactou con Fidel Castro e cos revolucionarios cubanos, cos que participou na operación Granma, que iniciou a loita guerrilleira contra as forzas de F. Batista. Tralo triunfo da Revolución Cubana (1959), asumiu a carteira de Industria (1961-1965) e marcou o posterior signo da economía do país. Realizou tamén o labor de embaixador visitando a URSS e China, entre outros países, e interveu nas conferencias de Punta del Este (1961) e Alxer (1963), nas que fixo un chamamento á solidariedade dos pobos do Terceiro Mundo para combater as forzas imperialistas. Incorporado á guerrilla boliviana, foi capturado e executado. En 1997 descubríronse os seus restos na fosa común de Vallegrande, que foron trasladados ao mausoleo da Plaza Ernesto Che Guevara na cidade cubana de Santa Clara. Escribiu Guerra...

PERSOEIRO

Xeneral. Amigo de Alexandre o Grande, participou na conquista de Asia e foi xefe da súa garda persoal. Trala súa morte, Alexandre ordenou a construción dunha sepultura fastuosa en Babilonia e que se lle rendese culto como heroe.

PERSOEIRO

Escritor estadounidense. Integrado na “Xeración perdida”, baséase en experiencias persoais e usa a guerra como fondo dramático das súas obras, escritas nun estilo de conversa con frases curtas. Froito da Primeira Guerra Mundial, escribiu A Farewell to Arms (1929). Despois foi correspondente de prensa na Guerra Civil Española, da que, despois de reportaxes, xurdiu a novela For Whom the Bell Tolls (1940). Outras novelas súas son Death in the Afternoon (1932), The Fifth Column (1938), Across the River and into the Trees (1950) e a coñecida The Old Man and the Sea (1952), pola que lle foi concedido o premio Pulitzer. Recibiu o Premio Nobel de Literatura en 1954.

GALICIA

Escritor e investigador. Inspector de educación, director da colección “Narrativa de Onte” da Editorial Galaxia e asesor de Literatura da Enciclopedia Galega Universal (EGU). Estudiou maxisterio en Ourense e Filoloxía Románica nas universidades de Santiago de Compostela e Oviedo. Membro destacado do Círculo Ourensán-Vigués, exerceu como director literario de Ir Indo Edicións. Colaborou en diversas publicacións, como Boletín galego de literatura, Dorna, Faro de Vigo e Grial. Coñecedor e estudoso da obra de Rosalía de Castro, Castelao, Celso Emilio Ferreiro e da narrativa do Rexurdimento, publicou diversos artigos especializados e os libros Castelao e Os dous de sempre (1980) e Castelao para nenos (1988). Reflectiu as súas investigacións no campo da prensa periódica en As revistas literarias en Galicia na Segunda República (1987). Participou nos proxectos de Lingua Galega 6 (1981) e Lingua Galega 8 (1984) para SM Ediciones....

PERSOEIRO

Actor cinematográfico estadounidense. Especialista en personaxes históricos e de acción, destacou nos filmes The Ten Commandments (1956), El Cid (1961), Karthoum (1966), Planet of the Apes (1967), The Prince and the Pauper (1977), Treasure Island (1989), Almost an Angel (1990), ou In the Mouth of Madness (1995). En 1960 obtivo un Oscar por Ben Hur (1959).

PERSOEIRO

Escritor estadounidense. Impresionado por un atraco, comezou a escribir literatura de protesta contra o racismo. En París (1954) escribiu narracións policiais ambientadas en guetos negros e creou os detectives negros Coffin Ed Johnson e Grave Digger Jones. Destaca a súa autobiografía The Primitive (1955).