"Das" (Contén)

Movemento independentista armenio. Fundado en 1890 en Tbilisi, adoptou un programa revolucionario inspirado no partido social revolucionario ruso, pero contrario ao socialismo do hinčak. Durante a Primeira Guerra Mundial loitou contra os turcos e os rusos na procura da independencia armenia. En 1918 constituíuse un efémero Estado que o Exército Vermello conquistou en 1920 para Rusia. Trala anexión os membros do movemento foron expulsados, aínda que conservaron no exilio a organización e os seus órganos de prensa. Desde 1991, unha vez que Armenia recuperou a independencia, foi de novo legalizado e retomou a súa actividade política no novo Estado. Nesta nova etapa modificou o seu nome polo de Hai Heghapokhakan Dašnaksutiwm (Federación Revolucionaria de Armenia). Despois dun período no que o goberno armenio prohibiu as actividades do partido, en 1998 legalizouse e apoiou o candidato vencedor nas eleccións presidenciais dese mesmo ano (o presidente Kotcharian); nas lexislativas...

Forma prefixada de orixe grega que se emprega na formación de palabras co significado de ‘bosque’.

Arte e ciencia da xestión dos montes, especialmente para aumentar a súa produtividade.

Relativo ou pertencente á dasocracia.

Disciplina dasonómica que se ocupa da medida das árbores e das masas forestais.

Ciencia que trata da conservación e do aproveitamento dos bosques.

Relativo ou pertencente á dasonomía.

Ciencia que se ocupa da dirección das cortas dos montes.

Xulio Martínez Pérez.

Xénero de dinosauros da familia dos tiranosauros de ata 8,5 m e 3,6 toneladas de peso, mandíbulas curtas de dentes moi grandes e de bordo serrado, con garras moi grandes. Depredaba grandes dinosauros herbívoros, como os ceratopsios. Propios de finais do Cretáceo, os xacementos máis importantes están en Norteamérica.

Xénero de carunchos, da orde dos uredinais, que son parasitos dos bambús.

Xénero de raias, da familia dos dasiátidos, caracterizadas por presentar as aletas pectorais xuntas por diante do fociño formando unha máscara, cos ollos e espiráculos dorsais, numerosos dentes dispostos en fileiras transversais e a pel lisa; carecen de aleta dorsal. Pertencen a este xénero as especies D. violacea, D. centroura e D. pastinaca, coñecidas popularmente como ferreiros.

Xénero de aves australianas, da familia dos acantícidos, de 22 cm de lonxitude. De cor acastañada, presentan cola longa e levantada, e alas curtas coas que só practica voos curtos e eventuais. Aliméntase no chan de sementes e insectos. Fabrican un niño redondo cunha entrada lateral. A especie D. brachypterus vive na franxa costeira do sueste de Australia. A finais do s XX estaban en grave risco de extinción debido aos cambios no seu hábitat provocados polo home.