"PS" (Contén)

Xénero de anfibios que aparecen no Carbonífero. Medían 1,80 m de lonxitude e tiñan un aspecto semellante ao caimán. Crese que vivían na auga e que saían ás beiras para alimentarse, cun comportamento semellante ao do crocodilo.

Rama da psicoloxía social que estudia a interacción psicolóxica que se produce polo contacto entre as distintas culturas.

Estado fisiolóxico que define a dixestión normal.

Milleiro de billóns de operacións de coma flotante que é capaz de procesar un sistema nun segundo.

Teorema que afirma que todo grupo simple finito non conmutativo é de orde par e que todo grupo finito de orde impar é resoluble.

Proceso mediante o que se obtén un combustible sintético por hidroxenación do gas de auga, mestura de monóxido de carbono e de hidróxeno, que resulta de tratar o coque con vapor de auga a temperaturas elevadas. Cómpre tratar a mestura con catalizadores de óxidos metálicos. A primeira fracción necesita, para que se poida utilizar, un proceso de reformación e a adición de antidetonantes. A fracción dun punto de ebulición máis alto é moi apropiada para os motores diesel.

Instrumento obstétrico apto para a asir a cabeza fetal, facerlle tracción e dirixilo, co fin de acelerar o parto cando o período expulsivo se prolonga e hai perigo de sufrimento fetal. Ideado en 1647 por Pierre Chamberlen (1601-1683), consta basicamente de dous brazos que se cruzan; en cada rama está a culler para suxeitar a cabeza do feto, o colo ou zona onde se articulan os dous brazos, e o mango.

Conxunto de sensacións visuais, como chispas ou relampos, que teñen como causa unha excitación non lumínica da retina ou das vías e dos centros ópticos.

Produción cinematográfica estadounidense realizada en 1921. Foi dirixida por Rex Ingram e interpretada por Rodolfo Valentino, Alice Terry e Pomeroy Cannon, entre outros. O filme foi prohibido en Alemaña polo seu carácter antixermano, pero en EE UU tivo un éxito sen precedentes grazas á figura de Rodolfo Valentino, que creou o prototipo do latin lover.

Elipsoide correspondente á ecuación que resulta ao desenvolver a densidade de enerxía electromagnética dunha onda luminosa nun medio dieléctrico anisótropo, en función das compoñentes do tensor dieléctrico do medio e do campo eléctrico da onda.

Tecido conxuntivo que envolve o fígado e os vasos condutores linfáticos. Foi descuberta polo médico inglés Francis Glisson.

Sistema de xeorreferenciación que utiliza a constelación de satélites Navstar da forza aérea de EE UU. O sistema baséase na medición da distancia do receptor aos satélites, o que permite coñecer a súa localización xeográfica (latitude, lonxitude e altitude). Desenvolvido na década de 1950, despois da Guerra de Vietnam aprobouse o seu uso civil, aínda que os datos proporcionados introducían erros de precisión premeditados de entre 50 m e 80 m. En 1975 empezouse a utilizar en España. O anuncio da pretensión da Unión Europea de desenvolver un sistema propio (GALILEO) de utilización civil que eliminase o erro de precisión predeterminado, provocou que o presidente B. Clinton, influído pola industria estadounidense, ordenara afinar a precisión do sistema ata 5 m.

Xénero de plantas herbáceas, da familia das cariofiláceas, que se caracteriza por presentar follas lanceoladas ou oblondas, flores pequenas e froito e cápsula globosa.

Xénero de teleósteos da familia dos halosáuridos. Peixes abisais provistos de fotóforos. Inclúe a especie identificada en 1878 por Günther, macrochir.