"RG" (Contén)

MUNICIPIOS

Municipio situado na provincia de Barcelona, Catalunya (1.973 h [2001]). As explotacións gandeiras dedícanse ao gando porcino e bovino. Desenvolvéronse os sectores industriais relacionados coas actividades primarias e algunhas pequenas industrias téxtiles.

PARROQUIA

Parroquia do concello de Guitiriz baixo a advocación de santa Locaia.

MUNICIPIOS

Municipio de Illes Balears, situado na illa de Mallorca (7.800 h [2001]). As principais actividades económicas son a construción e o turismo.

MUNICIPIOS

Municipio situado na provincia de Barcelona, Catalunya (9.064 h [2001]). Os cultivos son principalmente de secaño. A proximidade coa cidade de Igualada favoreceu o desenvolvemento industrial do sector téxtil, alimentario e de pequenos talleres metalúrxicos.

MUNICIPIOS

Municipio situado na provincia de Barcelona, Catalunya (5.042 h [2001]). A actividade económica máis importante é a industria. As industrias alimentarias derivaron cara á elaboración de viño e cava e de pensos compostos. Conta tamén con industrias da rama metalúrxica e química.

PERSOEIRO

Actor. Despois de debutar no filme La miel (1979, de Pedro Masó, iniciou unha destacada carreira que lle levou tamén ao medio televisivo. Das longametraxes en que participou destacan Valentina (1982), Si te dicen que caí (1989, Premio Goya ao mellor actor), Amantes (1991), Belle Époque (1992), La niña de tus ojos (1998) e El lobo (2004).

1. Arbusto caducifolio de 2 a 6 m de altura, densamente ramificado, de pólas vimbias, avermelladas ou amarelentas, de follas lineais, co reverso peludo e abrancazado, e de amentos pequenos e sésiles. É frecuente nas beiras dos torrentes, en Europa Central e Meridional.

2. Vimbio delgado que se obtén da sarga.

3. Sargo de gran tamaño.

PARROQUIA

Parroquia do concello de Cervo baixo a advocación de Santiago.

LIÑAXES

Liñaxe de orixe galega que trae por armas, en campo de prata, un castelo sinistrado dunha columna de azul; bordo de goles, cargado de oito flores de lis de ouro.

PERSOEIRO

Físico canadense. Investigou a radioactividade, especialmente a desintegración â, e estableceu o denominado diagrama de Sargent, básico para o estudo deste tipo de desintegracións.

1. Peixe perciforme, de corpo alto e comprimido, de 20 a 30 cm de lonxitude, con 8 dentes incisivos en cada mandíbula e dentes laterais visibles, redondeados e formando diversas fileiras. É de cor gris prata, con bandas pardas lonxitudinais sobre os flancos e unha ampla banda transversal negra sobre a cola, eventualmente estendida tamén sobre as aletas dorsal e anal e con aletas pelvianas negras. Reprodúcense entre xaneiro e marzo e alcanzan a madurez sexual aos dous anos. Na súa etapa adulta son animais carnívoros que se alimentan de crustáceos, moluscos e equinodernos mentres que na súa etapa xuvenil presentan unha alimentación omnívora. Vive en fondos rochosos e areosos en profundidades de ata 50 m.

2. chaparela.

3. Peixe mariño litoral que pode chegar a medir 60 cm pero normalmente acada entre 30 e 40 cm de lonxitude. Presenta corpo ovalado, alto e moi comprimido lateralmente, cun fociño alongado e rematado nunha pequena boca. É hermafrodita, primeiro macho e despois femia. Amosa unha coloración prateada, algo máis escuro no dorso e ten unha alternancia de 7 a 9 bandas trasversais anchas con outras estreitas e de coloración máis pálida. As aletas caudal, anal e dorsal están rodeadas de negro. Vive na franxa costeira, sobre fondos rochosos e case sempre por riba dos 50 m de profundidade. De hábitos omnívoros, aliméntase, preferiblemente, de algas, vermes e esponxas mariñas.

4. Peixe mariño litoral que pode chegar a medir 55 cm pero normalmente acada entre 30 e 35 cm de lonxitude. Presenta corpo ovalado, alto e moi comprimido lateralmente, ollos pequenos, rostro groso continuado por beizos carnosos e grosos. Ten a aleta caudal alta e de lonxitude igual á da cabeza, aletas pectorais máis longas ca as pelvianas e acada no seu cabo distal a orixe da aleta anal, liña lateral completa fortemente arqueada. É hermafrodita, primeiro macho e despois femia. Amosa unha coloración prateada, con cinco bandas trasversais escuras bastante anchas, a última no pedúnculo caudal. As aletas son anegradas. Vive na franxa costeira, sobre fondos rochosos a 30-80 m de profundidade. De hábitos omnívoros, aliméntase de algas e pequenos invertebrados.

PUNTA

Punta do litoral atlántico, situada na marxe dereita da ría de Muros e Noia, na parroquia de Esteiro (Muros).