"AN" (Contén)

(Madrid 1809 - València 1865) Relixiosa. Fundou a congregación de monxas adoratrices ou escravas do Santísimo Sacramento e da Caridade. A súa festividade celébrase o 29 de setembro.

Material illante que se emprega nas máquinas eléctricas, constituído por láminas de mica aglomeradas con goma, laca ou resinas sintéticas prensadas en quente formando placas. Fabrícase de diferentes tipos, algúns deles moldeables en quente.

Relativo ou pertencente ao micelio.

Michelangelo Buonarroti.

Estado de EE UU (151.586 km2; 9.938.444 h [2000]). A súa capital é Lansing. Está formado por dúas penínsulas separadas polo estreito de Mackinac, que comunica os lagos Michigan e Huron. A península superior está separada de Ontario, provincia de Canadá, polo canal do Norte; o relevo é chan, cunha máxima altitude de 616 m e percorrida por ríos curtos. A península inferior está atravesada desde a baía de Saginaw ata ao SO, por unha depresión formada por un antigo río glaciario. Todo o territorio está cuberto por lagos de orixe glaciario. O clima é continental. Os bosque de coníferas e bidueiros ocupan o territorio, agás o SO onde domina a pradaría . As cidades principais son Detroit, Grand Rapids, Flint, Livonia e Ann Arbor. Cultívase cebada, remolacha azucreira, patacas e froita. Tamén destacan recursos minerais como o ferro, o sal, o cobre, o petróleo e o gas natural. É moi importante a industria do automóbil, localizada principalmente en Detroit.

Estado do O de México, situado na costa pacífica (59.928 km2; 3.985.667 h [2000]). A capital é Morelia. O relevo é accidentado ao N pola Cordillera Neovolcánica, de actividade volcánica recente, e ao S polo extremo NO da Sierra Madre del Sur. O clima é temperado ao N e tropical chuvioso no centro e na costa. A poboación concéntrase maioritariamente ao N. A agricultura e a gandaría son as actividades económicas máis importantes, co cultivo de froita, algodón, cana de azucre e a explotación porcina e bovina. Ten industrias téxtiles e alimentarias.

Conxunto de métodos e técnicas da análise química que se emprega no estudo de mostras de substancias da orde dos microgramos. Os métodos máis aptos para mostras moito máis pequenas constitúen a ultramicroanálise, e os aptos para mostras ao redor do decigramo ou do centigramo, a semimicroanálise. A pequena escala de traballo esixe o uso de reaccións químicas especialmente sensibles e selectivas ou específicas e de técnicas de traballo moi elaboradas de procedementos de medida moi exactos. A microanálise é esencial cando se ten que examinar material perigoso (radioactivo ou explosivo), cando se dispón dunha mostra única, rara, ou moi pequena, ou cando se necesitan os resultados moi rápido.

Nome que reciben diversas enfermidades dos vasos sanguíneos máis pequenos.

Balanza analítica que permite pesar mostras de poucos miligramos cunha precisión de milésimas de miligramo.

Gametanxio que produce microgametos.

Instrumento de gran precisión mediante o que se pode manexar utensilios, como pinceis, pipetas ou agullas, de dimensións microscópicas, para efectuar operacións moi delicadas como a inxección de substancias nunha célula, a disección de microorganismos, a montaxe de compoñentes electrónicos ou a microcirurxía.

Manómetro moi sensible, capaz de detectar pequenas variacións de presión.

Organismo que só pode ser visto mediante unha lupa ou un microscopio.