"An" (Contén)

GALICIA

Cantautor. Director da produtora Articket. Comezou cantando na Escolanía da Catedral de   Santiago, para estudar logo solfexo e guitarra. Foi un artista predisposto a abordar unha arte urbana, cun folk de estilo progresivo con influencias psicodélicas. Formou parte de Voces Ceibes pouco antes de se desfacer como colectivo. Membro da   Sociedad General de Autores, do xurado dos Premios da Crítica e dos Premios Reconquista, desde a década de 1990 dedícase á produción musical. Da súa discografía en solitario cómpre salientar Estamos chegando ao mar (1976), Alcabre (1978) e Aluminio (1979).

PERSOEIRO

Pintor. Foi discípulo de Moretto de Brescia e un dos precursores da pintura realista do s XVII en Lombardia. Traballou en Bérgamo e destacou como retratista. Pintou Coronazione della Madonna na igrexa da Trinità e os retratos Il sarto e Dama italiana.

PARROQUIA

Parroquia do concello de Muxía baixo a advocación de santa María.

IGREXAS

Igrexa parroquial situada en Muxía. De estilo románico, ten unha soa nave e ábsida rectangular. A cabeceira foi modificada durante o s XVIII e a fachada principal ten unha porta con arco rebaixado e enriba dela, unha fiestra circular que corresponde aos restos dun antigo rosetón. No lateral N érguese o campanario, arrimado á sancristía. En 1991 o templo sufriu outra reforma.

1. Divindade da mitoloxía celta que forma parte da tríade do mesmo nome.

2. Tríade da mitoloxía celta composta polas deusas Nemain, Macha e Badbh, que son tres aspectos diferentes de Morrigan como divindade. Está relacionada cos Tuatha Dé Danann e representa a guerra, o destino, a morte, a fertilidade e o amor carnal. Pode adoptar diferentes aspectos, pero adoita presentarse coa forma dun corvo.

PERSOEIRO

Poetisa estadounidense. Exerceu como profesora asistente de lingua española na Universidade de California e no Shorter College de Rome (Georgia). Vinculada a Galicia e coñecedora da lingua galega a través de Xosé Rubia Barcia e Ernesto Guerra da Cal, participou no I Congreso de Poetas Alófonos de Lingua Galega (1993). Colaboradora de Grial e Correo de Galicia, e interesada na obra de Valle-Inclán, traduciu ao inglés a Rosalía de Castro e publicou en galego Voz fuxitiva (1964), en que introduce algúns aspectos intimistas e outros propios da lírica popular.

PERSOEIRO

Músico e cantante irlandés. Coñecido como Van Morrison, comezou a súa carreira na banda The Monarchs, de onde pasaría a Them. Formado no jazz e no blues, en 1967 comezou a súa carreira en solitario. Da súa discografía destacan Blowin’ Your Mind! (1967), Moondance (1970), A Sense of Wonder (1985), Back on Top (1999) e What’s Wrong With This Picture? (2003).

PERSOEIRO

Actriz estadounidense. Coñecida como Janet Leigh, comezou interpretando a rapazas inxenuas en producións da Metro-Goldwyn-Mayer. Participou en diversos musicais e posteriormente en comedias e dramas. Da súa filmografía destacan Little Women (1949), Two Tickets to Broadway (1951), Psycho (1960), The Fog (1980) e A Fate Totally Worse Than Death (2000).

PERSOEIRO

Poeta polaco. De orixe aristocrática, foi o máximo representante do barroco polaco. Destacou pola preciosidade das súas metáforas e o erotismo agochado das composicións. Escribiu epigramas, sonetos e adiviñas.

PERSOEIRO

Actriz cinematográfica estadounidense. Coñecida como Marilyn Monroe, a industria cinematográfica de EE UU converteuna no mito erótico da década de 1950, se ben non foi ata máis tarde cando se recoñeceu o seu talento dramático. Interpretou The Asphalt Jungle (1950), Niagara (1953), River of No Return (1954), Bus Stop (1956), Some Like it Hot (1959), Let’s Make Love (1960) e Something’s Got to Give (1962).

PERSOEIRO

Físico e químico sueco. Fixo importantes investigacións sobre os elementos químicos englobados nas terras raras, e descubriu a existencia dalgún, como o lantano, no ano 1839.

PARROQUIA

Parroquia do concello do Páramo baixo a advocación de santa María Madanela.

GALICIA

Relixioso, fillo de Lope de Moscoso Osorio, conde de Altamira e sobriño do duque de Lerma. Como segundo fillo desta familia nobre, nomeárono cardeal en 1615. Foi bispo de Jaén (1619) e arcebispo de Toledo en 1646. En Santiago de Compostela axudou aos dominicanos a reabrir o Estudio Xeral (1665), para o que doou importantes cantidades, que serviron para construír novas dependencias e a fachada pincipal de San Domingos de Bonaval.

PERSOEIRO

Militar. Foi coronel do Estado Maior do Exército do marqués da Romana durante a invasión francesa (1808) á Península Ibérica. Destacouse como artífice do plano de batalla para o exército grazas ao que se tomou Villafranca del Bierzo (1809). Participou, posteriormente, na defensa de Asturias.

GALICIA

Xornalista e escritor. Coñecido como Luis Mosquera ou Luis Spiegel, ocupou diversos cargos directivos en entidades bancarias e foi xefe de prensa do BBV. Deportista federado, foi presidente da Federación Galega de Hockey e da de Tenis de Mesa. Traballou en Radio Coruña-SER, La Voz de Galicia, El Mundo (Caracas), The Lion (EE UU) ou El Ideal Gallego. Director da Axencia Galega de Noticias, exerceu tamén como director da axencia de noticias Galicia Press. Como correspondente cubriu os principais acontecementos deportivos. Publicou La Magia Celta, Esoterismo y Mística, Astrología y Horóscopos ou Marianismo en Galicia: Fe, tradición, Esoterismo y Folclore. Presidente do congreso de Maxia e Bruxería de Galicia, é membro da Enxebre Orde da Vieira.