"An" (Contén)

GALICIA

Mariño. Capitán da Mariña Mercante, oficial da Reserva Naval Española e subdelegado marítimo de Pesca en Sevilla, Ribeira e A Coruña (1933-1936). Técnico pesqueiro na secretaría de Agricultura, Industria y Trabajo de la República Dominicana e do Ministerio de Agricultura y Cría de Caracas (1941), foi membro da Sociedad Venezolana de Ciencias Naturales e do American Museum of Natural History. Publicou Biología de la merluza. Sus variedades étnicas y sexuales. Su pesca, Los clupeidos. Clupea. La sardina. Sus variedades étnicas y sexuales. Su pesca. Su industrialización (1945), Las tortugas del Orinoco (1945) e La cuna gallega de Cristóbal Colón (1961).

GALICIA

Político e escritor, fillo de Tomé María Mosquera García. Foi deputado polo Carballiño en 1886. Publicou diversos poemas no xornal El Heraldo Gallego, entre os que destacan “Anacreóntica al uso”, “El conde Fullero” e “La calabaza”. En 1884 estrenou o monólogo dramático Antes del baile.

PERSOEIRO

Profesor. Publicou Legitimidad de la Reina de españa Dª Isabel II de Borbón (1855) e diversos tratados didácticos, como Ábaco aritmético o nuevo sistema de cálculo numérico y en gran parte mecánico (1864),   Redutor métrico y dicionario metrológico en español, inglés y norteamericano (1873) e Redutor métrico (de tipos y precios), seguido de un dicionario metrológico (1876).

GALICIA

Compositor. Obtivo o título de frauta no Conservatorio Superior de Música da Coruña. Foi membro fundador de distintos grupos musicais, como Talea (1986), e da Asociación Galega de Compositores (1987). Da súa produción destacan obras como a música para a obra dramática Edipo Rei (1983), Fotosíntese (1985), Plaint for García Lorca (1986) ou Tres pezas para quinteto de vento (1988).

PERSOEIRO

Político e militar colombiano. Candidato conservador, foi elixido presidente da república (1845-1849) e contribuíu á penetración económica de EE UU. Rompeu co Partido Conservador e, como representante do liberalismo radical, obtivo o poder (1861). Foi elixido presidente constitucional (1863-1864) e reelixido en 1866, pero enfrontouse cos liberais e foi derrocado (1867).

PERSOEIRO

Compositor ucraíno. Estudou con Glière en Moscova. Autor de obras para orquestra de estética realista, como Fonderi d’acier (A fundición de aceiro, 1926), compuxo tamén sinfonías, unha comedia musical, a cantata patriótica Minino et Pozharski, o poema sinfónico Ukraine, e música de cámara e vocal.

PERSOEIRO

Pintor neerlandés. Traballou para Margarida de Austria (1480-1530) e acompañouna durante as súas viaxes, facendo retratos dos seus cortesáns, nos que incluía elementos simbólicos e arquitecturas renacentistas. Tamén cultivou a pintura relixiosa. Da súa obre destaca Paisaxe das Indias Occidentais (1525-1530).

PERSOEIRO

Poeta e diplomático. De ascendencia galega, residiu en Santiago de Compostela entre 1924 e 1936. Percorreu diversos países como membro do corpo diplomático e como escritor está adscrito á Xeración de 1922. Da súa obra, próxima ao vangardismo de Manoel Antonio, cómpre salientar Ancla (1923-1925) (1926) e Poemas sincopados (1929), este último con características propias da creación musical e dedicado ao musicólogo Xesús Bal.

IGREXAS

Igrexa parroquial situada en Bóveda. De estilo barroco, seguramente foi construída a finais do s XVII. Ten nave rectangular. No seu interior destaca o retablo barroco, cunha inscrición que o data en 1701. No presbiterio atópase unha lápida sepulcral, na que se mostra o escudo de armas.

IGREXAS

Igrexa parroquial situada en Ramirás. Pertenceu ao antigo mosteiro de San Pedro de Ramirás. Datado no s XI como mosteiro familiar, a primeira referencia documental é de 1017, cando recibiu a primeira doazón. En 1137 converteuse en mosteiro de monxas bieitas, despois substituídas por clarisas, e en 1499 anexionouse a San Paio de Antealtares. A igrexa, construída entre os ss XII e XIII, de transición do románico ao gótico, ten planta basilical de tres naves da mesma altura con cuberta de madeira e separadas por piares con arcos apuntados. A cabeceira fórmana tres ábsidas semicirculares, con bóveda de canón. Na fachada do templo destacan tres portadas decoradas con arquivoltas e a principal, franqueada por dous contrafortes, ten arcos superpostos.

IGREXAS

Igrexa parroquial situada en Guntín. De estilo románico, construíuse no s XII. Ten unha soa nave rectangular. No interior destaca o retablo barroco da ábsida e os neoclásicos dos laterais, labrados estes por López de Cerceda cara a 1870. A portada principal presenta dobre arquivolta e tímpano liso, rodeado por mochetas con figuras de monstros. Sufriu reformas no s XVIII, nas que se engadiu a sancristía e a espadana que acolle o campanario.

CIDADES

Cidade de Escocia, Reino Unido, que está situada na rexión de Strathclyde e que forma parte da conurbación de Central Clydeside (67.787 h [1991]). É un centro de industria metalúrxica. Motherwell e Wishaw uníronse en 1920.

MUNICIPIOS

Municipio da provincia de Cuenca, Castela-A Mancha, situado na Mancha e regado polo río Valdemembras (5.102 h [2001]). É un centro agrícola e gandeiro, con industrias derivadas e serradoiros.

PERSOEIRO

Físico inglés. Estudou na University of Cambridge e foi director do Cavendish Laboratory. Estudou a física das aliaxes metálicas, a estrutura atómica dos metais e os movementos dos electróns, e traballou na colisión de átomos e partículas alfa e cos semicondutores. Foi considerado o creador dunha escola de metalurxia física. En 1977 recibiu, xunto con P. W. Anderson e J. Van Vleck, o Premio Nobel de Física, polos seus traballos sobre as propiedades electro-magnéticas dos sólidos amorfos.

PARROQUIA

Parroquia do concello de Guntín baixo a advocación de santa María Madanela.

PERSOEIRO

Político e resistente francés. Alto funcionario do goberno da Front Populaire, ao comezar a Segunda Guerra Mundial adheriuse á Resistencia. Foi detido polas SS en 1943.

PERSOEIRO

Pensador francés. Católico afervoado, ideou o personalismo, movemento que ante a desorde establecida buscou as bases dunha revolución económica e moral á vez. Publicou, entre outras obras, Révolution Personnaliste et communautaire (1934), Qu’est-ce que le personnalisme? (1947) e Feu la Chrétienté (1950).