"An" (Contén)

GALICIA

Director de escena. Foi o creador da agrupación de teatro de cámara da Asociación Cultural Iberoamericana, coa que dirixiu espectáculos como Don Hamlet, de Álvaro Cunqueiro, en 1959 e Os vellos non deben de namorarse, de Castelao, en 1961. En 1963 dirixiu A noite vai coma un río coa compañía Tespis, propostas que constitúen as primeiras achegas dun teatro en galego da posguerra.

IGREXAS

Igrexa parroquial situada en San Amaro. De estilo románico, ten unha soa nave e ábsida rectangular. No presbiterio conta cun arco de medio punto peraltado e unha bóveda nervada de estilo gótico. Na fachada destaca un escudo e a dobre arquivolta sobre a porta. A espadana remata nunha cruz patriarcal.

REPUBLICAS

República de Acerbaixán, que limita ao N e ao L con Armenia e ao S e ao O con Irán (5.500 km2; 305.700 h [estim 1991]). A súa capital é Naxçivan (63.100 h [1996]).

GALICIA

Ensaísta e investigador. Foi cronista oficial da Coruña, bibliotecario da Real Academia Galega a partir de 1942 e pertenceu á redacción de La Voz de Galicia. Centrouse en traballos de investigación literaria sobre Rosalía de Castro e Manuel Murguía. Da súa produción destacan O traxe (1964), Los poetas gallegos y Curros Enríquez (1970) e El final de una estirpe: Rosalía de Castro y Manuel Murguía (1974). Realizou tamén estudos históricos e artísticos, dos que destacan Calles y plazas coruñesas (1970) e diversos artigos en publicacións como Abrente e Coruña, paraíso del turismo. Académico correspondente da Real Academia de Bellas Artes de San Fernando, gañou dous premios no concurso promovido pola Real Academia Galega para celebrar o centenario do nacemento de Andrés Martínez Salazar.

PERSOEIRO

Mártir, fillo de pai xudeu e de santa Perpetua. Educárono no cristianismo e predicou en Milán, onde coñeceu a Celso, co que viaxou a Xenebra e Tréveris. De volta en Milán, morreron ambos os dous durante a persecución de Nerón. A súa festividade celébrase o 28 de xullo.

PERSOEIRO

Poeta turco. En Moscova (1921) formou parte na acción do grupo futurista e cando regresou a Turquía, influíu nos artistas novos e nos militantes de esquerda. Soubo innovar a literatura do seu país e liberouna dos modelos oriental e occidental. Destacan as súas obras Jokand ile Si-Ya-U (A Mona Lisa e Si-Ya-U, 1929), Portreler (Retratos, 1935) e Demokles’ in kilici (A espada de Damocles, 1959).

ILLAS

Illa do arquipélago de Comores, situada no Océano Índico (424 km2; 192.667 h [1990]). A súa capital é Montsamoudou.

PERSOEIRO

Novelista romanés. Das súas obras destacan Somnul de la amiaza (Soño de mediodía, 1960), Caii albi din oraşul Bucureşti (Os cabalos brancos da cidade de Bucarest, 1967), Ingerul a strigat (O anxo berrou, 1968) e Cartea cu prieteni (O libro con amigos, 1978). Foi nomeado membro titular da Academiei Romane (2001).

PERSOEIRO

Escritora. Coñecida como Madame de Staël ou Germaine de Staël, estivo casada co barón de Staël-Holstein e creou un destacado salón literario, onde promoveu as ideas neoclásicas e románticas. De ideoloxía reformadora e vagamente progresista, escribiu De l’influence des passions sur le bonheur des individus et des nations (1796), Corinne ou l’Italie (1807), De l’Allemagne (1813) e Considérations sur la Révolution française (1818).

PERSOEIRO

Faraón de Exipto (380-363 a C). Primeiro faraón da dinastía XXX, enfrontouse con éxito ao persa Artaxerxes II, quen intentou invadir o Baixo Exipto para recuperar a zona que perdera á morte de Darío II de Persia (404 a C).

PERSOEIRO

Faraón de Exipto (360-343 a C). Terceiro e derradeiro faraón da dinastía XXX, en 350 a C enfrontouse con éxito a Artaxerxes III, pero en 343 a C foi derrotado polo soberano persa, quen ocupou Exipto e fundou a dinastía XXXI.

IGREXAS

Igrexa parroquial situada en Neda. De estilo gótico (s XIV), consta dunha soa nave, ábsida rectangular e tres capelas dos ss XV-XVI. Destaca a fachada, con características barrocas, por motivo das remodelacións dos ss XVIII e XIX, e o sepulcro de Diego Esquío, señor da comarca, no presbiterio.