"GR" (Contén)

CIDADES

Cidade do voivodato de Kujawsko-Pomordkie, Polonia (102.344 h [2000]). Porto fluvial situado na beira dereita do Vístula. Ten industria química, metalúrxica, de cerámica e de tapicería. Fundada pola orde teutónica no s XIV, pasou a ser polaca en 1466, aínda que entre 1772 e 1918 pertenceu a Prusia. Do seu patrimonio cultural destacan a igrexa de San Nicolao, as murallas da cidade (s XIV) e o colexio dos xesuítas (ss XVI-XVII).

PERSOEIRO

Político israelí. Coñecido polo nome hebreo de Ben Gurion, en 1906 estableceuse en Palestina e traballou nas primeiras cooperativas agrarias xudías. Colaborou na organización da Lexión Xudía, integrada no exército británico, en que el mesmo se alistou en 1918. Regresou a Palestina baixo o mandato británico (1918) e participou na fundación da Federación Xeral do Traballo (Histadrut) e do Partido Unido dos Traballadores (Mapai). En 1935 presidiu o comité executivo da Axencia Xudía, que actuaba como goberno da comunidade xudía en Palestina. Proclamado o Estado de Israel, foi nomeado primeiro ministro (1948-1953 e 1955-1963), cargo desde onde fomentou a inmigración xudía e o desenvolvemento das terras desérticas. En 1970 retirouse da política. Morreu nun kibbutz, onde pasou os últimos dez anos da súa vida.

PERSOEIRO

Poeta e erudito galés. Dos seus estudios destaca Llendiaeth Cymru o 1450 hyd 1600 (1906), e dos seus poemarios Trystan ac Esyllt (1902) e Yns yr Hud (1923).

1. Relativo ou pertencente aos grúidos.

2. Ave da familia dos grúidos.

3. Familia de aves zancudas, da orde das gruiformes, á que pertencen as grúas.

1. Relativo ou pertencente ás gruiformes.

2. Ave da orde das gruiformes.

3. Orde de aves de pescozo longo e esvelto, patas longas, peteiro longo e forte coas aberturas nasais situadas na metade deste. Comprende moitas familias de aves entre elas a das grúas típicas, as galiñas de auga, etc.

1. Son que emite o porco e outros animais semellantes.

2. Son ronco que emiten algúns animais para ameazar ou manifestar o seu malestar.

3. Son non articulado ou palabras ditas entre dentes que expresan un sentimento ou actitude.

1. Emitir gruñidos o porco e outros animais semellantes.

2. Emitir algúns animais sons roncos que manifestan enfado ou advertencia, especialmente o can.

3. Mostrar enfado ou desgusto murmurando entre dentes ou emitindo sons non articulados.

1. Termo da verba dos arxinas, ou xerga dos canteiros, que corresponde á voz ‘porco’.

2. Termo da xerga dos canteiros que corresponde ás voces ‘corte’ e ‘cortello’.

PUBLICACIÓNS

Publicación editada pola Biblioteca Pública de Narón a partir da primavera de 1992. Subtitulouse “Revista de creación e crítica literaria”. Coordinada por Mª do Carme Bar Cendón, centrouse no mundo dos libros, das bibliotecas e da literatura en xeral. Da súa redacción cómpre salientar as colaboracións do Grupo Crítico.