"fico" (En toda a entrada)

Movemento de liberación nacional bretón. Xurdido en 1966 do antigo movemento nacionalista Emzav, seguía a súa liña política de reivindicación dos dereitos do tratado de 1532 entre o Estado francés e a Bretaña e de independentismo. En 1973 produciuse unha escisión e creouse o Exército Republicano Bretón. Declarado ilegal polo goberno francés en 1974, decidiu suspender as súas accións armadas en 1981. Da FLB xurdiron dous movementos independentistas pacíficos, o Emgann (Combate) e o Partido para a Organización dunha Bretaña Libre.

Texto legal que regulaba as condicións de traballo no Estado español durante o Franquismo. Promulgouse o 9 de marzo de 1938 e modificouse o 10 de xaneiro de 1967. Declaraba o mantemento da propiedade privada dos medios de produción, a intervención do Estado na fixación das normas de traballo e as remuneracións, e a prohibición dos sindicatos obreiros de clase. Derrogouse coa Constitución de 1978.

Revista editada en Pontevedra a partir de abril de 1993. Exerceu como voceiro informativo da devandita entidade e contaba co apoio da Consellería de Cultura. No seu consello editorial figuraban Guillermo Campos, Xosé Mª García, Ramón Latas e Xosé Castro, quen se encargaba da coordinación e deseño. Ademais de datos culturais, centraba os seus artigos en aspectos biográficos do político ourensán.

Fundación sen ánimo de lucro con sede en Betanzos creada en 1997 coa finalidade de promover e difundir as artes plásticas, en xeral, e a arte gráfica, en particular. A súa orixe está nos Cursos Internacionales de Gráfica, organizados dende 1985 polo artista Jesús Núñez, presidente da fundación. Ten a súa sede na casa Núñez, edificio modernista situado no centro histórico da vila que ofrece amplos espacios dedicados ás artes gráficas e que está concibido como un lugar de exposición, de traballo, de ensino e de encontro. Organiza cursos prácticos e teóricos sobre técnicas tradicionais, como o gravado calcográfico, a litografía, a xilografía e a serigrafía, e sobre novas tecnoloxías artísticas e industriais aplicadas á estampa. Conta cunha biblioteca e cunha colección de gravados coa que se formou en 2002 o Museo de la Estampa Contemporánea.

Colectivo agrupado que naceu en Vigo no ano 1983 arredor da revista de educación especial Quinesia. Os seus responsables e membros fundadores son Francisco Insua Meirás, Elixio Domarco Álvarez e Álvaro Espilla Dopico, e está formada, principalmente, por profesionais que traballan no terreo das discapacidades. Acreditada no ámbito da integración das persoas con discapacidades, cómpre dicir que o seu labor desenvólvese, sobre todo, a través da publicación da revista Quinesia de estudios e investigacións no campo das discapacidades, e da organización de diversos cursos e proxectos sobre as discapacidades (formación do profesorado, integración laboral, escolar e social do discapacitado, etc). Constituíse como Asociación (1992) de ámbito galego e como Fundación Benéfico-Asistencial (1996).

Revista de temas taurinos editada na Coruña probablemente en 1885. Saía todos os días que había corrida de touros na cidade dos obradoiros tipográficos da Litografía y Papelería de Madrid. Incluía, ademais dos artigos correspondentes, un folletín que tamén tocaba temas taurinos.

Técnica de diagnose prenatal que consiste na punción do cordón umbilical que se efectúa a través da parede abdominal da muller embarazada baixo control ecográfico, co fin de obter unha mostra do sangue fetal.

Produción cinematográfica estadounidense realizada en 1936. Foi dirixida por Fritz Lang e protagonizada por Sylvia Sidney, Spencer Tracy, Walter Abel, Bruce Cabot e Walter Brennan. Mestura o cine criminal e social, nun dos primeiros produtos cinematográficos do que se coñece como cine negro. Destaca a precisión na caracterización dos personaxes, o ton realista e a utilización dos métodos de expresión europeos, aínda que coa narrativa clásica de Hollywood. Debido ás diferencias entre Lang e o produtor Mankiewicz, cortáronse fragmentos da película e introducíuselle un final feliz un tanto absurdo.

Revista editada en Santiago de Compostela a partir de 1987. Subtitulouse “Semestral de Arte, Diseño y Arquitectura”. Dirixírona conxuntamente Pilar Corredoira, Román Pereiro, Alberto Permuy e Xosé M. Casabella. Tentou ofrecer unha visión global do panorama artístico galego, sen esquecer a perspectiva nacional e internacional, tanto no eido arquitectónico, como na arte e no deseño gráfico e industrial. No apartado ilustrativo, ademais dos fotógrafos galegos, contou coa colaboración do Centre National d´Art et de Culture Georges Pompidou de París e coa Fundación Juan March de Madrid.

Revista editada en Vigo a partir do 4 de agosto de 1929. Subtitulouse “Letras, artes, industrias, actualidades...” Fundada por Eugenio de Olano e dirixida por Xosé Luís Viñas Castro, tentaba reflectir as novidades que chegaban de Europa e América coas achegas de intelectuais destacados da época. No aspecto literario incluíu poemas, contos, entrevistas e recensións dos libros da Biblioteca de Estudios Gallegos. No apartado gráfico, inseríronse fotografías de Ksado e ilustracións de Maside.

Periódico de tendencia conservadora editado na Coruña a partir de 1820. Levaba como subtítulo “Año 1º del heroyco alzamiento de esta capital, y el 10 de la promulgación de la Constitución política de la Monarquía en Cádiz”. Imprimiuse nos obradoiros tipográficos de Vila e, posteriormente, nos de Pascual Arza. Incluíu noticias estranxeiras, de ultramar, nacionais e información sobre os acordos das Cortes de Cádiz.

Periódico de tendencia conservadora editado en Santiago de Compostela a partir de 1879. Imprimiuse nos obradoiros tipográficos de F. Felipe de la Torre e Cía.

Agoiro maléfico.

Aluminato de cinc, de fórmula Al2O4Zn. Cristaliza no sistema cúbico. Ten unha dureza de 8 e un peso específico de 4,3. É de cor verde escura, pero ás veces tamén amarela, gris, azul ou negra.

[nome oficial: Archipiélago de Colón] Arquipélago e provincia de Ecuador, no Pacífico, a 1.000 km do país (8.010 km2; 14.713 h [estim 1997]). A capital é Puerto Baquerizo Moreno (3.023 h [1990]). Consta de trece illas, a principal é Isabela, e dezasete illotes, de orixe volcánica e clima temperado a causa da corrente de Humboldt, con escasa vexetación. A fauna, pobre en especies, presenta formas primitivas de tartarugas e iguanas. A poboación agrúpase na capital, na illa de San Cristóbal. O recurso económico principal é a pesca. Os conquistadores españois déronlle o nome de illas Encantadas. Non foron colonizadas ata 1832. Son Parque Nacional dende 1952.

Revista que apareceu en agosto de 1900 en Ourense e que se definía como “católica, apostólica e clerical”. Dirixida por Basilio Álvarez, o seu único redactor era Antonio Rey Soto. Imprimiuse nos obradoiros tipográficos de El Eco de Orense. Saía todos os domingos e recibiu frecuentes críticas de El Socialista.

Quincenario editado en Santiago de Compostela a partir do 1 de outubro de 1860. Cesou a súa edición o 15 de decembro de 1865. Subtitulouse “Revista universal deste reino”. Fundado e dirixido por Antonio Mª de la Iglesia e editado polo seu irmán Francisco Mª, tentou converterse nunha publicación cultural representativa do Rexurdimento. Imprimiuse nos obradoiros tipográficos de Norberto Cascante (nº 1) e nos do Hospicio Principal. A través das súas páxinas promoveu a celebración dos xogos florais e dedicou unha especial atención á literatura medieval e á poesía.

Revista editada na Coruña a partir do 15 de novembro de 1988 por Imagen 10 SA. Cesou a súa edición o 15 de decembro do mesmo ano. Subtitulouse “La revista de información general hecha desde Galicia”. Dirixida por José A. Parrilla, incluíu artigos sobre política, moda, arte e turismo, ademais de entrevistas e comentarios bibliográficos.