"África" (Contén)

PERSOEIRO

Rei de Portugal (1438-1481). Fillo de Duarte e de Leonor de Aragón. Librou contra Pedro, conde de Coimbra, a Batalla de Alfarrobeira (1449) onde morreu o conde. Continuou (1458-1471) en África a obra de expansión de Enrique o Navegante. Loitou a favor de Xoana pola sucesión de Castela, que acabou co Tratado de Alcaçovas. En Coimbra fundou a primeira biblioteca humanística portuguesa.

CONTINENTES

Continente situado entre os 17° 30’ de lonxitude O (no cabo Verde, Senegal) e os 51°   25’ de lonxitude L (no cabo Hāfūn, Somalia), e entre os 37° 20’ de latitude N (no cabo Branco, Tunicia) e os 34° 50’ de latitude S (no cabo Agullas, Sudáfrica). Ocupa unha extensión de 30.249.096 km2 que acollen unha poboación de 722.015.000 h (1996). Unido a Asia polo istmo de Suez, rodéao polo L o océano Índico, polo O o Atlántico e   polo N o mar Mediterráneo, que o separa de Europa.
Xeografía física

Relevo e xeoloxía
África forma un extenso escudo continental que emerxeu dun xeito case total dende o Precámbrico. Tan só as chairas litorais, unha parte do Sáhara e de Etiopía foron ocupadas por transgresións mariñas posteriores. Por iso é posible distinguir, en todo o continente, un zócolo precámbrico sobre a que se sitúa unha cuberta discordante de series sedimentarias primarias, secundarias e terciarias. Os movementos da base deron orixe...

PUBLICACIÓNS

Publicación mensual de tendencia católica aparecida en Santiago de Compostela en 1916.

1. Guerra entre España e Marrocos acontecida entre os anos 1859 e 1860. O´Donell, na súa política expansionista, proxectou espertar o espírito patriótico ao tempo que consolidaba a presenza española no Norte de Africa. Interesáballe tamén reforzar o réxime da Unión Liberal e contentar o exército ao tempo que o mantiña ocupado. Na sesión das Cortes do 1 de outubro do 1859 decretouse unha quinta extraordinaria de 50.000 homes, o 24 declarouselle a guerra, a raíz da destrución por parte dos rifeños dunhas fortificacións en Ceuta. As operacións comezaron cunha marcha dende Ceuta cara a Tetuán; no seu transcurso tiveron lugar as batallas de Castillejos (xaneiro), Tetuán (febreiro) e Wad-Ras (marzo). Tetuán acabou por renderse e asinou o tratado de paz o 26 de abril. O aparente éxito da guerra trouxo consigo os premios: reparto de títulos de Grandeza de España e ascensos militares. A Igrexa galega apoiou sen reparos a guerra, metamorfoseándoa nunha cruzada contra...

2. Existe en Galicia unha tradición que mantén que durante a Guerra de África os mouros reclamaron o monte de Paralaia, a fonte de Senebal e a serra de Coiro argumentando que nestes lugares posuían dende antigo minas de ouro. É moi posible que a crenza nacera dunha confusión entre o epíteto aplicado adoito aos magrebís e aos mouros da mitoloxía galega.