"AGR" (Contén)

SEMANARIOS

Semanario agrarista aparecido en Caldas de Reis o 15 de agosto de 1917 como “Órgano de la Federación del partido judicial de Caldas de Reis”. Nel introdúcense comentarios anticaciquís de interese para as 16 sociedades agrarias federadas e publicidade sobre cultivos, maquinaria agrícola, feiras e mercados.

PUBLICACIÓNS

Publicación quincenal aparecida en outubro de 1920 na vila de Ortigueira, e que cesou en 1926. De tendencia católica-agraria, foi dirixida por Vázquez Gundín e continuou o labor emprendido polo Boletín de los Sindicatos Católico-Agrarios de Ortigueira (1919). Terá constantes enfrontamentos con La Voz de Ortigueira por diferencias ideolóxicas.

PRAIAS

Praia da beira setentrional da ría de Pontevedra, na parroquia de Dorrón (Sanxenxo).

PARROQUIA

Parroquia do concello de Agolada baixo a advocación de san Miguel.

CIDADES

Cidade do estado de Uttar Pradēsh, na India (891.790 h [1991]). Situada á beira do río Yamunā na chaira do Hindustān, é un importante centro turístico, comercial, agrícola e industrial da India. Agra conserva as mellores obras arquitectónicas dos emperadores mongoles (s XVII) como o pazo de Diwan-i-an, a mesquita da Perla en mármore branco (1654) e o famoso Taj-Mahal, construído (1632-1648) polo Emperador Shāh Jahān como mausoleo da súa esposa Mumtaz Ma ḥ all.

1. Liñaxe que tivo a súa casa orixinaria en Mondoñedo. Da mesma familia é Agras. As armas dos Agra levan, sobre campo de sinople, unha agra.

2. Apelido de orixe toponímica que remite ao latín agra, plural do neutro *agrum, -i (lat c ager, -i). Este apelido atópase nun documento do ano 1520 referíndose a Fernando d’Agra.

GALICIA

Profesora titular de Filosofía Moral e Política da Universidade de Santiago. Investigadora no eido da Filosofía Moral e Política que se deu a coñecer cos seus traballos sobre a Teoría da Xustiza en J. Rawls e profundizando no tema noutros artigos posteriores, entre eles:“Es la versión castellana de A Theory of Justice de J. Rawls una versión modificada?” (1983) e “J. Rawls: el análisis del concepto de Justicia” (1993). Dende 1989, traballa en estudios de xénero, participa en proxectos de investigación e deu ao prelo numerosos artigos en distintas revistas (A Trabe de Ouro, Anthropos, Festa da Palabra Silenciada), dos que destacan: “Feminismo e política” (1990), ”Justicia y política feminista” (1995) e “El alcance de la justicia y las complejas desigualdades de género” (1998).

PERSOEIRO

Actor, actor de dobraxe e presentador de televisión. Comeza a súa andaina teatral co grupo Máscara 17 para logo integrarse en Artello, participando nos diversos espectáculos presentados pola compañía viguesa. Traballou co Centro Dramático Galego en espectáculos como Woyzeck (1984), Os vellos non deben de namorarse (1985), Hamlet (1991), Valle-Inclán 98 (1998) ou O florido pénsil (2011). Como presentador, traballou na Televisión de Galicia e en Televigo.
Actualmente é  coñecido polo seu traballo en publicidade, cine e televisión. Destaca o seu papel protagonista no anuncio publicitario de Ratribrom. Entre os seus traballos en televisión destacan Pratos combinados, Terra de Miranda, Serramoura ou Fariña (2018). Do seu traballo no cine destaca  Heroína (2005), A...

GALICIA

Escultor de estilo neoclásico. Atribúenselle tallas para o retablo do trascoro da Catedral de Mondoñedo na primeira década do s XIX. Entre as súas obras cómpre destacar a construción do retablo maior de San Xián de Pereiriña (Cee), entre 1837-1841. Tamén realizou as trazas do altar maior de San Martiño de Noia e o de San Francisco e San Xosé do convento noiés.

1. de agraciar.

2. Que posúe beleza, atractivo ou encanto persoal.

3. Que obtivo un premio.

1. Conceder unha graza ou premio a alguén.

2. Conceder unha gracia, beleza ou mercede.