"Angulema" (Contén)

CAPITAIS

Capital do departamento francés de Charente (42.876 h [1990]), á beira do Charente. Angulema é un centro administrativo, comercial e industrial (fundicións, celulosas e outras industrias). A Catedral de San Pedro, do s XII, é un exemplo típico das igrexas románicas de influencia bizantina e coas cúpulas propias do SO francés. A casa do concello (1858-1868) é de estilo medieval. Ten un museo de etnografía africana e oceánica. Antiga capital do Angoumois, no 850, Carlos o Calvo erixiuna en condado e doouna a Vulgrin I. No 1515, Francisco I anexionou o condado e elevouno a ducado.

PERSOEIRO

Duquesa de Alençon, raíña de Navarra, condesa de Armagnac e escritora, filla do conde Carlos de Angulema e de Luísa de Savoia, e irmá do Rei Francisco I de Francia. Casou en 1509 co duque Carlos de Alençon e en 1527 co Rei Enrique II de Navarra. Escribiu o Heptaméron e varios poemas que foron recollidos en Miroir de l’âme pécheresse (1531).

DINASTIAS

Dinastía real francesa, da rama dos Capetos, que reinou desde 1515, con Francisco I, ata a morte de Enrique III en 1589. Tamén se lle chama dinastía de Angulema.