"Castro de Rei" (Contén)

PARROQUIA

Parroquia e capital do concello de Castro de Rei baixo a advocación de san Xoán.

GALICIA

Concello da Terra Chá, situado na provincia de Lugo no N da Comunidade Autónoma de Galicia. Limita ao N cos concellos da Pastoriza e Cospeito, ao L co de Pol (comarca de Meira), ao S cos de Castroverde, Lugo e Outeiro de Rei (Lugo) e ao O co municipio de Cospeito (Terra Chá). Abrangue unha superficie de 177 km 2 cunha poboación de 5.744 h (2007), que se distribúen nas parroquias de Ansemar, A Azúmara, Balmonte, Bazar, Bendia, Castro de Rei, Coea, Duancos, Duarría, Dumpín, Goberno, Loentia, Ludrio, Mondriz, Outeiro, Pacios, Prevesos, Quintela, Ramil, Ribeiras de Lea, San Xiao de Mos, Santa Comba de Orizón, Santa Locaia, Triabá e Viladonga. A capital é a vila de Castro de Rei, na parroquia de Castro de Rei, situada a 43° 12’ 3’’ de latitude N e 7° 23’ 5’’ de lonxitude O, 136 km ao NL de Santiago de Compostela e 29 km ao N de Lugo. Está adscrito ao partido xudicial de Lugo e ás dioceses de Mondoñedo-Ferrol (arciprestado da Azúmara) e Lugo (arciprestados da Terra Chá e Lugo-Aguiar).
Xeografía...

PARROQUIA

Parroquia do concello de Paradela baixo a advocación de santa María.

IGREXAS

Igrexa parroquial situada en Castro de Rei. Foi priorado do mosteiro beneditino de Carracedo (León) e do cisterciense de Montederramo. Da primitiva construción románica do s XII, planta basilical e tres ábsidas semicirculares, só se conservan parte dos muros e unha ábsida semicircular cuberta por unha bóveda de canón e outra de cuarto de esfera. No seu interior hai restos de pinturas murais de finais do s XV e un capitel prerrománico.