"Espejo" (Contén)

MUNICIPIOS

Municipio da provincia de Córdoba, Andalucía, situado no val do río Guadajoz (4.065 h [1996]). As actividades agrícolas son a base da súa economía, principalmente o cultivo de cereais, oliveiras e viña. As principais industrias están relacionadas co sector alimentario. As súas orixes están na cidade turdetana de Ucubi, convertida en época romana en Colonia Claritas Iulia Ucubi. En época musulmá recibiu o nome de Alcalá e no s XIII despobouse ata despois da súa conquista en 1240. Do seu patrimonio cultural destaca a igrexa de San Bartolomé, de finais do s XV, e o castelo da casa do Alcaide de los Donceles.

PERSOEIRO

Avogado e político venezolano. Ocupou diversos cargos públicos ata 1810, cando se uniu á causa emancipadora. Formou parte da Junta Patriótica, foi presidente da Alta Corte de Justicia e gobernador de València, ata a capitulación da cidade, trala que foi apresado e executado polas forzas realistas.

PERSOEIRO

Médico. Erudito enciclopedista, propuxo unha reforma educativa e diversas medidas sanitarias, como a vacinación antivarilosa. Escribiu Diálogos del nuevo Luciano (1777), onde atacou a corrupción dos costumes.