Semanario editado en La Habana a partir do 3 de maio de 1885. Cesou a súa edición en 1888. Dirixido por Xosé Novo García, incluíu información de actualidade e colaboracións da Sociedad de Beneficiencia de Naturales de Galicia, ademais de artigos sobre filosofía, historia e literatura. Co pasamento de Rosalía de Castro en 1885, dedicáronlle un número especial e contribuíron a promover a construción dun mausoleo en Galicia para a autora.
Publicación editada en Pontevedra a partir do 1 de maio de 1897. Cesou a súa edición o 15 de xullo de 1898 (nº 30). Subtitulose “Revista mensual ilustrada”. Dirixida por Enrique Labarta Pose, contou con Xerardo Álvarez Limeses como redactor xefe. Tentaba converterse nun álbum artístico e literario, no que se ofrecera información sobre as paisaxes, as lendas, os costumes, as tradicións e as festas populares de Galicia. Ademais, incluíu textos literarios e poesías, xunto con datos biográficos de destacados escritores galegos.
