"Hebe" (Contén)

Deusa da xuventude, filla de Zeus e Hera. Exerce as funcións de criada no Olimpo; serve o néctar e a ambrosía, axuda a Hera a enganchar o carro, prepara o baño e viste a seu irmán Ares. Nunha ocasión Hebe tropezou e tirou no chan o néctar, daquela, Zeus raptou a Ganimedes e nomeuno copeiro do Olimpo. Cando Heracles se reconciliou con Hera e foi aceptado na morada dos deuses, concedéronlle a man de Hebe, coa que tivo a Alexiares e a Aniceto. Este casamento simboliza para os deuses a súa entrada na xuventude eterna das divindades.

Revista editada en Pontevedra a partir do 15 de outubro de 1920. Cesou a súa edición o 17 de abril de 1921 (nº13). Subtitulada “Publicación quincenal”, estivo dirixida por Modesto Bará. Tentou introducir elementos vangardistas no movemento cultural da época e incluíu poesías, algún relato, recensións, e biobibliografías.

Forma de esquizofrenia que se caracteriza pola súa aparición precoz, entre os 15 e os 25 anos, un comezo insidioso e lento e por trastornos do pensamento con autismo progresivo, incongruencia da afectividade, ideas delirantes, alucinacións, outros síntomas catatónicos menores e grave desorganización da personalidade. Ten un mal prognóstico a causa da súa rápida aparición.

Sheng de China, na rexión do Norte (187.700 km2; 67.440.000 h [2000]). A capital é Shijiazhuang. Situada á beira do golfo de Bo Hai, na conca aluvial do Hai He e do Huang Ho, está densamente poboada. Produce trigo, algodón, froita, patacas e millo. Posúe xacementos de carbón e salinas. Ten industrias téxtiles e de maquinaria agrícola.

Xénero de basidiomicetos da familia das cortinariáceas. Presentan veo fugaz e cortiniforme que protexe o himenio na súa xuventude, pedicelo confluente, cutícula viscosa de cor parda que se decolora con relativa facilidade, e marxe incurvada con restos de veo. O pé é fibroso e lixeiramente bulboso un pouco máis escuro ca o píleo. Presenta esporada e láminas ferruxinosas na madurez. É un fungo gregario e ectomicorrizóxeno que se desenvolve en aciñeirais e piñeirais.