"Turpin" (Contén)

Cuarta parte do Liber Sancti Iacobi (s XII), de temática xacobea, tamén coñecido como Crónica de Turpin, pois está atribuído ao arcebispo de Reims, Turpin. Constitúe un texto épico que narra a liberación do Camiño de Santiago polo Emperador Carlomagno e que está moi vinculado aos cantares de xesta franceses, como a Chanson de Roland. Circulou de forma independente por toda Europa e deu pé a diversas crónicas francesas e islandesas

Heroe da Chanson de Roland, morto na Batalla de Roncesvalles (778). Tradicionalmente identificouse co monxe de Saint-Denis, Tilpin, que foi arcebispo de Reims, a quen se lle atribuíu a Historia Karoli Magni et Rotholandi, máis coñecida por Pseudo-Turpin, onde se narran as xestas marabillosas e lendarias dos paladíns de Carlomagno. En realidade, trátase unha escolma de dous textos, o primeiro (cinco primeiros capítulos) escrito por un monxe de Santiago de Compostela (950) e o outro (capítulos restantes), obra dun monxe de Santo André de Viena do Delfinado (1109-1119).