codicoloxía

Ciencia do libro manuscrito que consiste no estudo arqueolóxico dos códices (tamén dos libros impresos antigos) e das súas compoñentes para refacer a súa historia completa. Ocúpase, entre outros aspectos, da forma externa (rótulo, códice), da materia (papiro, pergamiño, papel) e da preparación (punteado, pautado), da composición dos cadernos (alteracións da orde, folios engadidos ou suprimidos), da escritura, da distribución dos textos (columnas, marxes, glosas, indicacións auxiliares, colofóns), das ilustracións (miniaturas, letras capitais), do sistema de copia ou transcrición do texto (pecia, ditado), da encadernación, do estado de conservación e das restauracións.