conxuntiva

Membrana mucosa delicada e transparente que recobre a cara interior das pálpebras (conxuntiva tarsal), a cara anterior do globo ocular (conxuntiva bulbar) e os fondos de saco (fórnix). Histoloxicamente, está constituída por un epitelio de células alongadas non queratinizantes e por unha capa de substancia propia formada fundamentalmente por tecido conectivo moi vascularizado. Ten unha función protectora e defensiva das superficies que recobre.