Crucianella

Xénero de plantas da familia das rubiáceas de follas dispostas en verticilos, flores en espigas densas, amarelentas e sésiles, e flores tubulares. En Galicia están presentes as especies: C. maritima, perenne e leñosa na base, que presenta follas coriáceas de ata 10 mm de lonxitude e que vive en areais e rochedos costeiros; e C. angustifolia, herbácea anual que pode acadar ata 40 cm de altura, con follas lineares de ata 30 mm de lonxitude e que vive en piñeirais e rochedos no interior de Galicia.