curador -ra

Persoa física ou xurídica designada en testamento ou xudicialmente para exercer unha función tutelar dos menores emancipados, incapacitados e pródigos, baixo a salvagarda do xuíz, en todos aqueles actos que por imperativo legal non poden realizar por si mesmos.

Persoa ou persoas designadas polo causante, ou de modo subsidario polo xuíz, que ten que representar e defender os intereses dos fideicomisarios non nacidos nin concibidos, ou dos fideicomisarios que só teñen a personalidade determinable por algún acontecemento futuro.

Persoa designada polo xuíz, a instancia do herdeiro nomeado polo causante, cando este non elixiu testamenteiro, que ten a finalidade de representar e administrar a herdanza que está sen titular. A non aceptación da curadoría pode provocar a declaración da herdanza como vacante ou xacente.