desfacer

1. v t

   Facer que algo deixe de estar feito.

   Ex: Os nenos desfixeron toda a cama. Desfixeron o nó da corda.

2. v t

   Facer que algo deixe de existir.

   Ex: Non se puido desfacer o empate de votos e perderon a maioría.

3. v t

   1. Desunir as partes ou elementos dunha cousa.

      Ex: A máquina desfixérona para volver utilizar as pezas.

   2. Despezar un animal morto.

      Ex: Desfarán o porco e traerán a proba coma todos os anos.

      Sinónimos: partir.
4. v t Antónimos: facer.

   1. Destruír algo por completo.

      Ex: A guerra desfixo o país. Os fortes ventos desfixeron o tellado da casa.

      Antónimos: facer.

   2. Reducir ou dividir en anacos algunha cousa.

      Ex: A chuvia desfixo a parede medianeira.

5. v t

   Cancelar un compromiso ou un pacto que estaba acordado.

   Ex: Esa muller desfixo o casamento do teu irmán.

6. v t

   Converter algo sólido en líquido.

   Ex: Desfixen o xeado para poder tomalo bebido.

   Sinónimos: derreter.
7. v t

   Disolver un sólido nun líquido.

   Ex: Desfixo o bicarbonato na auga.

8. v t

   Alterar o estado de ánimo de alguén causándolle un trastorno físico ou moral.

   Ex: Tantas desgracias desfixérono.

9. v pron

   Deixar algo de estar feito.

   Ex: Desfíxoseche a basta da saia.

10. v pron

    1. Desaparecer algo ata deixar de ser visible.

       Ex: As nubes desfanse no horizonte.

    2. Deixar de existir.

       Ex: A súa imaxe de home fachendoso desfíxose co paso do tempo.

11. v pron

    1. Destruírse algo por completo.

       Ex: Co vendaval desfíxose o alpendre.

    2. Reducirse ou dividirse en anacos algunha cousa.

12. v pron

    Cancelarse un compromiso ou un pacto.

    Ex: Desfíxose a coalición do partido.

13. v pron

    Converterse algo sólido en líquido.

    Ex: O carambelo desfíxose co sol.

14. v pron

    Disolverse nun líquido algo sólido.

    Ex: O azucre disolveuse no leite.

15. v pron

    Amosar un interese desmedido por algo ou por alguén.

    Ex: Desfaise en atencións con ela.

16. v pron

    Dar ou vender algo. OBS: Con este significado rexe preposición de.

    Ex: Desfíxose dos seus xoguetes na tenda de antigüidades.

17. v pron

    Desembarazarse dalgunha cousa ou persoa que constitúe un estorbo ou unha ameaza. OBS: Con este significado rexe preposición de.

    Ex: Desfíxose do sogro dun xeito sospeitoso.

Frases feitas

• Desfacer a cara a alguén. Golpear a alguén na cara.

• Desfacer unha casa. Arruinar unha familia.

• Desfacerse a alma/desfacerse a traballar. Traballar moito.

• Desfacerse en bágoas alguén. Manifestar intensamente un estado de ánimo.

• Desfacerse por. Esforzarse moito, sacrificarse por axudar ou compracer a alguén.