desistencia

Acción de desistir.

Renuncia á continuación da acción delitiva. Cando é un acto voluntario exime de responsabilidade criminal, aínda que esta responsabilidade subsiste respecto aos feitos punibles realizados antes da desistencia do delito.

Forma de terminación dun procedemento xudicial consistente na renuncia efectuada polo demandante á pretensión procesual que deu orixe ao litixio. Supón a extinción das actuacións procesuais, pero non a perda do dereito, polo que a acción poderá exercitarse de novo. No caso de que se desista dun recurso, a resolución recorrida convértese en firme. En todo caso, as custas procesuais impóñenselle á parte que desiste. Se afecta a unha parte da pretensión procesual, o proceso simplifícase e segue o seu curso legal.