despedida

1. s f

   Acción de despedir ou despedirse.

2. s f

   Expresión de afecto, palabras ou xestos empregados para despedir ou despedirse doutras persoas.

3. s f

   Copla ou retrouso dalgúns cantos populares, que emprega o cantor cando se despide dos seus oíntes.

4. s f

   Realización dunha actividade, propia dunha persoa, por derradeira vez.

   Ex: Esa representación foi a despedida dos escenarios.

5. s f

   Reunión ou festa organizada para despedir a alguén que deixa o seu posto de traballo ou cargo e, especialmente, a que se celebra cando alguén vai casar.

   Ex: Imos comprarlle un regalo para a súa despedida de solteira. Fixémoslle unha cea de despedida cando se foi vivir a Londres.

Refráns

• ¡A man no peito, a pema no leito!
• ¡Adeus, amo e ama, que tan bo pan coma aquí fano na miña casa!
• ¡Adeus, paredes, que me vou para lonxe e non sei se máis me veredes!
• ¡Adeus, veciños, que me mudo de casa e vos deixo soíños, porque me vou por eses camiños!
• ¡O brazo no peito e a pema no leito!
• ¡O pe no leito e a man no peito!