desprendemento

(< desprender)

s m
Acción de desprender ou desprenderse.
s m
Calidade de desprendido.

Ex: Mostra o seu desprendemento cos amigos ó deixarlles o coche sempre que llo piden.
Sinónimos: xenerosidade.
s m [XEOG]
Proceso de fragmentación e desprazamento que experimenta unha rocha no sentido da gravidade, debido á acción dos axentes erosivos ou da tectónica.
s m [FÍS]
Modificación da corrente dun fluído ao redor dun obxecto no que penetra. Prodúcese cando, por causa dunha turbulencia, o fluído xa non escorrega seguindo o contorno do obxecto senón que se separa ou desprende deste. Na á dun avión ten como consecuencia unha diminución da sustentación, feito que pode conducir o avión a caer en barrena ou en picado.
s m [FISIOL]
Derradeiro momento da expulsión da cabeza do feto durante o parto.
[PAT]
1. s m
  Separación de tecidos que normalmente están adheridos.
2. desprendemento da epífise
  Desprendemento de orixe traumática que se observa durante o período de crecemento do esqueleto. Consiste nunha solución de continuidade no lugar de unión da diáfise e da epífise.
3. desprendemento de retina
  Desprendemento da retina do seu leito. Dáse con máis frecuencia en persoas maiores, con antecedentes de cataratas ou naquelas con moita miopía.
4. desprendemento prematuro de placenta
  Complicación do embarazo que se caracteriza pola separación da placenta da parede uterina antes do parto.

Palabras veciñas