difteria

Enfermidade epidémica, infecciosa e contaxiosa, producida polo Corynebacterium diphtheriae ou bacilo de Klebs-Löffler. Afecta sobre todo aos nenos de un a cinco anos, e predomina no inverno. Caracterízase pola formación de pseudomembranas fibrinosas, localizadas na larinxe, e que poden ser causa de morte por asfixia. As alteracións xerais como a febre, a astenia, a anemia e a parálise, prodúcense pola liberación das toxinas bacilares. O tratamento faise co soro antidiftérico, perfeccionado polo biólogo Ramon Gaston Léon, e con antibióticos. Era unha doenza mortal nun gran número de casos, pero está practicamente erradicada grazas á vacinación, que é obrigatoria desde 1943.

Doenza típica dos paxaros, agás os acuáticos, que consiste na aparición de membranas falsas nas mucosas, sobre todo na mucosa farínxea. Os síntomas son febre, dispnea, inapetencia, tose e ronquido nasal. Esta enfermidade atácase por medio da vacinación específica.