difusor -ra

Que difunde.

Persoa que difunde algo.

Dispositivo onde se desacelera unha corrente de fluído, a fin de conseguir un aumento brusco da presión. Desta maneira recupérase en forma de presión unha parte da enerxía cinética que ten o fluído despois de efectuar un traballo, e aumenta o rendemento do aparato. É un elemento moi empregado, entre outros, nas turbinas, nos compresores e nas bombas.

Obxecto ou dispositivo destinado a modificar a distribución espacial do fluxo luminoso dunha fonte, baseándose no fenómeno da difusión.

Peza en forma de anel que vai aparafusada ao pozo do carburador. Ten como finalidade formar un estreitamento que aumente a velocidade do aire e, pola depresión creada, aspirar a gasolina polos orificios do surtidor que hai no punto máis estreito do difusor.

Material que se emprega para suavizar a luz que pasa atravesándoo.

Depósito no que se extrae o zume sacarino da remolacha.